საქართველოს ნაკრების მორაგბეები ჯგუფურ ეტაპზე რუსეთს, ბელარუსს და ესპანეთს დაუპირისპირდებიან.
ზაზა ფაჩულიამ მადლობა გადაუხადა პრეზიდენტს და აღნიშნა, რომ ეს სახელმწიფო ჯილდო მისთვის დიდი პატივია.
გიგი უგულავას ბრალდების საქმეს მთავარი პროკურატურა გამოიძიებს და თბილისის საქალაქო სასამართლო განიხილავს
20.12.2013
თბილისის მერიის მაღალჩინოსნების ბრალდებას გიგი უგულავას ბრალდების სისხლის სამართლის საქმე წალკე წარმოებად გამოეყო და გამოსაძიებლად ფინანსთა სამინისტროს საგამოძიებო სამსახურიდან მთავარი პროკურატურის საგამოძიებო ნაწილს გადაეცა.

"2013 წლის 18 დეკემბერს საქართველოს ფინანსთა სამინისტროს საგამოძიებო სამსახურის წარმოებაში არსებულ სისხლის სამართლის საქმეზე აიპ „თბილისის განვითარების ფონდიდან" სახელმწიფოს კუთვნილი 48 მილიონი ლარის გაფლანგვის ფაქტზე, სისხლისსამართლებრივი დევნა დაიწყო თბილისის მერის გიორგი უგულავას მიმართ.

საქმის მნიშვნელობის და მაღალი საზოგადოებრივი ინტერესის გათვალისწინებით, 2013 წლის 20 დეკემბერს ფინანსთა სამინისტროს საგამოძიებო სამსახურის წარმოებაში არსებული თბილისის მერის ყოფილი მოადგილის დავით ალავიძის, "თბილისის განვითარების ფონდის" ყოფილი ხელმძღვანელის გიორგი საბანაძის, მერიის შესყიდვების სამსახურის ყოფილი უფროსის ალექსანდრე თაბუაშვილის, ძველი თბილისის ყოფილი გამგებელი დავით ავალიანის და ამ უკანასკნელის მოადგილის დიმიტრი ჩხაიძის ბრალდების სისხლის სამართლის საქმიდან ცალკე წარმოებად გამოიყო გიორგი უგულავას ბრალდების სისხლის სამართლის საქმე და გამოსაძიებლად გადაეცა საქართველოს მთავარი პროკურატურის საგამოძიებო ნაწილს.

აღნიშნულით მთავარი პროკურატურის მიერ ასევე გათვალისწინებული იქნა თავად ბრალდებულ გ. უგულავას სურვილიც, რომელმაც განაცხადა, რომ მისთვის გაუგებარია, თუ რატომ უნდა განხილულიყო საქმე რუსთავის სასამართლოში, მაშინ, როდესაც "თეორიული დანაშაული" ჩადენილია თბილისში, ყველა მოწმე მუშაობს თბილისში და დააყენა საკითხი, რომ მის მიმართ მართლმსაჯულება აღესრულებინა თბილისის საქალაქო სასამართლოს.

ასევე საზოგადოებას გვინდა შევახსენოთ, რომ ხსენებული სისხლის სამართლის საქმის გადაგზავნა საგამოძიებო სამსახურის ქვემო ქართლის სამმართველოში თავის დროზე განპირობებული იყო ამავე საქმეზე ბრალდებულების მოთხოვნით, რომლებმაც უნდობლობა გამოუცხადეს საგამოძიებო სამსახურის თბილისის დანაყოფს. რაც შეეხება დანაშაულის "თეორიულობას" გვინდა კიდევ ერთხელ ხაზი გავუსვათ, რომ გამოძიება ეხება "თბილისის განვითარების ფონდის" საბანკო ანგარიშიდან ყოველგვარი ხარჯვის დამადასტურებელი დოკუმენტაციის გარეშე გატანილ სახელმწიფოს კუთვნილ 48 მილიონ ლარს, რაზეც გიორგი უგულავა ბრალდებულის სახით არის მიცემული პასუხისგებაში და მას, როგორც წინასწარი ისე სასამართლოს გამოძიების მიმდინარეობისას გარანტირებული ექნება სრული შესაძლებლობა ისარგებლოს კანონით მისთვის, როგორც ბრალდებულისთვის მინიჭებული უფლებებით.

ამდენად, ვინაიდან აღნიშნული საქმე გამოსაძიებლად გადაეცა მთავარი პროკურატურის საგამოძიებო ნაწილს, გიორგი უგულავასთვის აღკვეთის ღონისძიების შესარჩევად, ბრალდების მხარე შუამდგომლობას წარადგენს თბილისის საქალაქო სასამართლოში კანონმდებლობით დადგენილი განსჯადობის წესის შესაბამისად", - ნათქვამია პროკურატურის განცხადებაში.



კომენტარები


სხვა სიახლეები
20.07.2017
ანა დოლიძის თქმით, ადგილობრივი თვითმმარეთველობის კოდექსსა” და ”საარჩევნო კოდექსში” შესატან ცვლილებებს ქვეყნისთვის ნაგატიური შედეგები მოაქვს
20.07.2017
პრეზიდენტმა „ადგილობრივი თვითმმართველობის კოდექსსა“ და „საარჩევნო კოდექსში“ შესატან ცვლილებებს ვეტო დაადო
20.07.2017
პრეზიდენტმა „ადგილობრივი თვითმმართველობის კოდექსსა“ და „საარჩევნო კოდექსში“ შესატან ცვლილებებს ვეტო დაადო
20.07.2017
გიორგი მარგველაშვილი აღნიშნულ ცვლილებებთან დაკავშირებით პარლამენტს მოტივირებულ შენიშვნებს გადაუგზავნის
20.07.2017
გიორგი მარგველაშვილის განცხადება 17:30 საათზე ჩანიშნული. 
20.07.2017
 სამაშველო სამსახური სამძებრო სამუშაოებს ახორციელებს
საქართველოს ნაკრების მორაგბეები ჯგუფურ ეტაპზე რუსეთს, ბელარუსს და ესპანეთს დაუპირისპირდებიან.
ზაზა ფაჩულიამ მადლობა გადაუხადა პრეზიდენტს და აღნიშნა, რომ ეს სახელმწიფო ჯილდო მისთვის დიდი პატივია.
პარ, 21 ივლისი 2017
06:30