როგორი ურთიერთობა უნდა ჰქონდეს მასწავლებელს მშობლებთან და რა ხდება ეთიკის კოდექსის დარღვევის შემთხვევაში
12-04-2017
დაკოპირებულია
-
+
საქართველოს განათლებისა და მეცნიერების
მინისტრის ბრძანება №57/ნ
მუხლი 5. მშობლებთან ურთიერთობა
1. მასწავლებელი თანამშრომლობს მოსწავლის მშობელთან და, საჭიროების
შემთხვევაში, აწყობს მასთან ინდივიდუალურ შეხვედრებს.
2. მასწავლებელი თანამშრომლობს მოსწავლის მშობელთან და თავაზიანია მასთან
ურთიერთობისას.
3. ყოველი სასწავლო ტრიმესტრის დასაწყისში მასწავლებელი განმარტებებს
აძლევს მშობლებს სასწავლო გეგმისა და მის მიერ არჩეული სწავლების მეთოდების
შესახებ.
4. მასწავლებელი, მოთხოვნისა და საჭიროების შესაბამისად, მშობელს დროულად
და ინდივიდუალურად აწვდის ინფორმაციას მოსწავლის აკადემიური მოსწრების
შესახებ.
5. მასწავლებელს, თუ ის კლასის დამრიგებელია, აქვს ყველა მშობლის საკონტაქტო
ინფორმაცია, რათა საჭიროების შემთხვევაში დროულად შეძლოს მშობელთან
დაკავშირება.
6. მასწავლებელი ატყობინებს მშობელს მოსწავლის დისციპლინური დარღვევის
შესახებ და ხელს უწყობს მის ჩართვას სკოლის შინაგანაწესით განსაზღვრულ
დისციპლინურ წარმოებაში.
7. მასწავლებელი დაუყოვნებლივ უზრუნველყოფს მშობლის ინფორმირებას, თუ
მოსწავლე არ გამოცხადდა სკოლაში, ან მის ჯანმრთელობას და პირად უსაფრთხოებას
საშიშროება დაემუქრა.
მასწავლებლის მიერ ეთიკის კოდექსის უხეში ან სისტემატური დარღვევა იწვევს
პასუხისმგებლობას საქართველოს კანონმდებლობისა და მასწავლებელთან
დადებული შრომითი ხელშეკრულების შესაბამისად.