ქობულეთის მუნიციპალიტეტის, ხუცუბნის საჯარო სკოლის მოსწავლეებმა ბავშვთა დაცვის საერთაშორისო დღე მრავალფეროვანი აქტივობებით აღნიშნეს. 

მათ შორის სკოლის აღსაზრდელებმა ლოზუნგებით - „მომავალი ჩვენია“, „ყველა ბავშვი არის სხვადასხვა სახის ყვავილი და ყველა ერთად ამ სამყაროში ლამაზი ბაღია“, „მცირეოდენი სიყვარული გამოავლინეთ ბავშვებისადმი და სანაცვლოდ დიდ სიყვარულს მიიღებთ მათგან“ პლაკატები დაამზადეს. 

მოსწავლეებმა ასევე ასფალტი მოხატეს და ჰაერში ფერადი კვამლი გაუშვეს. 

ბავშვთა დაცვის დღე ყოველწლიურად 1-ელ ივნისს მსოფლიოს მრავალ ქვეყანაში აღინიშნება. ეს დღე 1949 წელს ქალთა საერთაშორისო დემოკრატიულმა ფედერაციამ დაარსა. მისი მიზანია მსოფლიოს საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისა და დემოკრატიული აღზრდა-განვითარებისათვის.

იხილეთ ფოტოები