თბილისის N20 და N6 საჯარო სკოლების პედაგოგები კორონავირუსით არიან ინფიცირებულები. პირველ შემთხვევაში საქმე ეხება დაწყებითი კლასების პედაგოგს, რომელსაც შეხება ჰქონდა I-II-III-IV კლასების მოსწავლეებთან და შესაბამისად, N20 საჯარო სკოლაში საგანგებო ზომებია მიღებული და სწავლების დისტანციურ რეჟიმზე გადავიდნენ.

რაც შეეხება თბილისის N6 საჯარო სკოლას, კოვიდი ინგლისურის მასწავლებელს დაუდასტურდა და ამ შემთხვევაშიც, ონლაინ-სწავლებაზე გადავიდნენ.

როგორც ცნობილია, სკოლებში ჩატარდება დეზინფექცია და ეპიდემიოლოგებიც, ვითარების შესაბამისად იმოქმედებენ.