მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
წყალტუბოს მუნიციპალიტეტის სოფელ ცხუნკურის N1 საჯარო სკოლაში სწავლება დისტანციურ რეჟიმში მიმდინარეობს.
სკოლის წარმომადგენლის თქმით, მასწავლებლები ყველაფერს აკეთებენ, რომ მოსწავლეები სწავლის მიღმა არ დარჩნენ. პედაგოგები აპირებენ, რომ ჩვეულ რეჟიმში დაბრუნების შემდეგაც გამოიყენონ ინტერნეტსწავლების რესურსები, რადგან ეს ხელს უწყობს სწავლა–სწავლების პროცესს.
„ონლაინ სწავლება, პანდემიის პირობებში, მოსაწონია უსაფრთხოების მიზნით. მოსწავლეთა ნაწილს არ აქვს ინტერნეტთან წვდომა, მაგრამ მასწავლებლები ყველა გზას პოულობენ მოსწავლეებთან დასაკავშირებლად (სატელეფონო ზარი).
რთული იქნება სასწავლო პროცესის წარმართვა პანდემიის პირობებში, როცა მოსწავლეთა ნაწილი დისტანციურ სწავლებაზეა, ნაწილი კი სკოლაში დადის, მაგრამ თუ საჭირო გახდება, ამ გამოწვევას მასწავლებლები კარგად გაართმევენ თავს“, - აღნიშნა სკოლის წარმომადგენელმა.