სიახლეები
სიახლეები

მასწავლებელთა შემოდგომის გამოცდა გაურკვეველი ვადით გადაიდო?!
05-11-2020
-
+


როდის ჩატარდება პრაქტიკოს მასწავლებელთა გამოცდა და ჩატარდება თუ არა საერთოდ წელს? - ამ შეკითხვით  ყოველ დღე უამრავი პედაგოგი მოგვმართავს. ოფიციალური პასუხი კი კვლავ გაურკვეველია.

შემოდგომა პრაქტიკულად მიიწურა და მასწავლებლებმა არათუ გამოცდის დრო, არამედ ისიც არ იციან მოუწევთ თუ არა გასვლა წელს ტესტირებაზე. 

Etaloni.ge ზაფხულიდან მოყოლებული არაერთხელ დაუკავშირდა როგორც განათლების სამინისტროს, ისე შეფასებისა და გამოცდების ეროვნულ ცენტრს, თუმცა პასუხს ვერც ერთ უწყებაში გვეუბნებიან.

სამინისტროში არც იმას ამბობენ, რომ შემოდგომის გამოცდა ზაფხულამდე გადაიდო და არც იმას, როდის გაავრცელებენ ზოგად ინფორმაცია ამის შესახებ. რაც შეეხება „ნაეკის“ პასუხს, მათ თქმით, ისინი მუშაობენ მასწავლებელთა გამოცდის ტესტებზე, ხოლო ჩატარდება თუ არა გამოცდა, ან როდის გამოცხადდება რეგისტრაცია, ეს განათლების სამინისტროზეა დამოკიდებული. თუმცა ოქტომბრის დასაწყისში უწყებამ განაცხადა, რომ „ამ გამოცდას ცენტრი გეგმავს ნოემბერში, თუმცა, ცხადია, აუცილებლად იქნება გათვალისწინებული იმ დროისათვის არსებული ეპიდემიოლოგიური სიტუაცია“. ფაქტია, დღეს უკვე 5 ნოემბერია და ინფორმაცია გამოცდის ჩატარებასთან დაკავშირებით კვლავ არ არის ცნობილი. 

თუ გავითვალისწინებთ იმასაც, რომ რეგისტრაცია 1 თვე გრძელდება ხოლმე და ჯერ არც დაწყებულა, შეგვიძლია ვივარაუდოთ, რომ პრაქტიკოსი მასწავლებლების გამოცდა წელს აღარ ჩატარდება - აღნიშნული დასკვნის გაკეთების საფუძველს როგორც ოფიციალური წყაროების დუმილი, ისე პედაგოგთა და მეცნიერთა თავისუფალი პროფკავშირების მიერ ჯერ კიდევ ოქტომბერში გაკეთებული განცხადება გვაძლევს. რომელის მიხედვითაც, გამოცდა შემოდგომაზე აღარ ჩატარდება და სამინისტრომ პრაქტიკოს მასწავლებელთა გამოცდა 2021 წლისთვის გადადო.

აღნიშნული ინფორმაციის დაზუსტებას ჩვენ მაშინვე ვეცადეთ, თუცა კონკრეტული პასუხი არავისგან მიგვიღია. 5 ათასამდე პრაქტიკოსი პედაგოგი ზაფხულიდან მოყოლებული დღემდე მოლოდინის რეჟიმშია და გამოცდის ჩატარების თარიღს ელის.

ამ ბუნდოვანების გამო კი ყველაზე დიდი დისკომფორტი პრაქტიკოს პედაგოგებს ექმნებათ -  მასწავლებლის სახლის განცხადებით, სკოლაში პრაქტიკოსი პედაგოგები აღარ უნდა იყვნენ. სწორედ ამიტომ პრაქტიკოსებისთვის შემოდგომის გამოცდაზე გასვლა და სტატუსის ამაღლებას კიდევ უფრო დიდი მნიშვნელოვანი ენიჭება. ამასთან, მასწავლებელთა პროფკავშირების ინფორმაციით, 1570 მასწავლებელთან უკვე შეწყდა შრომითი ხელშეკრულება და იგივე ბედი ელით იმ პრაქტიკოს პედაგოგებს რომლებიც სტატუსს ვერ აიმაღლებენ.


იხილეთ ასევე: მასწავლებელთა გამოცდის ჩატარება შემოდგომის ნაცვლად, 2021 წელს იგეგმება - სოფიო გორგოძეს პედაგოგთა პროფკავშირები მიმართავს


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
რეგისტრაცია დაიწყო და 100 ლარი ღირს - NAEC ტესტირებას 10 აპრილს ჩაატარებს
გამარჯვებულები სიგელებით, დიპლომებითა და სპეციალური პრიზებით დაჯილდოვდებიან
ავტორიზირებული საჯარო და კერძო საბავშვო ბაღების სია ცნობილია
მასწავლებლების გამოცდაზე რეგისტრაცია აპრილის პირველ ნახევარში დაიწყება - NAEC
პიროვნება
„ვფიქრობ მოსწავლეები დამახასიათებენ მეგობრულ, საყვარელ, სამართლიან მასწავლებლად“
„ბევრი ჩემი მოსწავლის ოჯახში ჩემი აღზრდილი სამი თაობა ცხოვრობს ერთად. ეს ბევრს ნიშნავს ჩემთვისაც და მათთვისაც“
„ვფიქრობ, ქარიზმა, შარმი, პიროვნული ხიბლი აუცილებელია მასწავლებლისთვის, სკოლის ლიდერისთვის“
სკოლები
მასწავლებელმა ისაუბრა ქართული ჯარის სიძლიერეზე, მოქალაქეობრივ ვალზე
ბავშვებმა კოლეჯის ინფრასტრუქტურა დაათვალიერეს და სასწავლო პროგრამებს გაეცნენ
ბავშვებმა საინტერესოდ იმსჯელეს და ერთმანეთს წაკითხული წიგნებისგან მიღებული შთაბეჭდილებები გაუზიარეს
გუნდებმა ძველი ეპოქების შთაგონებით 20 წუთში ეპოქის შესაბამისი სამოსის დიზაინები შექმნეს და შთამბეჭდავი წარმოდგენა დადგეს
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება