დიდი სლემის 14-გზის ჩემპიონი სამწლიანი პაუზის შემდეგ რეიტინგის სათავეში მოექცა
დღევანდელი მონაცემებით ფერეიდანში 50 000-მდე ქართველი ცხოვრობს
წინასწარი ეტაპის შეხვედრები თბილისის დროით 12:00 საათზე დაიწყება, ხოლო ფინალური ბლოკი - 21:00 საათზე
სპორტულ ნარდში მსოფლიო თასი და საერთაშორისო მედია-ტურნირი გაიმართება
19.04.2017
10 მაისიდან 19 მაისის ჩათვლით საქართველოში მნიშვნელოვანი საერთაშორისო ტურნირები გაიმართება სპორტულ ნარდში. 10-14 მაისს სასტუმროში „თბილისი მარიოტი“ მსოფლიო თასის გათამაშება ჩატარდება სპორტულ ნარდში, 15-19 მაისს კი სასტუმრო  „წყალტუბო პლაზა“  საერთაშორისო  მედია-ტურნირს უმასპინძლებს.

ტურნირებს ორგანიზებას უწევს საქართველოს ნარდის კლუბი, ნარდის მსოფლიო ფედერაციასა და  საქართველოს ეროვნულ ფედერაციასთან ერთად. მსოფლიო თასის გათამაშების გენერალური სპონსორია კომპანია „აჭარაბეთი“.

აღსანიშნავია, რომ უკვე მეორე წელია მედია-ტურნირის გამართვას ორგანიზებას უწევს ტურიზმის ეროვნული ადმინისტრაცია, რომელიც მონაწილეთა მგზავრობის, სასტუმროში განთავსების საკითხებსა  და ასევე კულტურულ ღონისძიებებში ჩართულობას უზრუნველყოფს, ტურნირების მხარდამჭერია სპორტისა და ახალგაზრდობის საქმეთა სამინისტრო.

მოახლოებულ ტურნირებთან დაკავშირებით, 19 აპრილს სპორტისა და ახალგაზრდობის საქმეთა სამინისტროში პრესკონფერენცია გაიმართა, სადაც მედიის წარმომადგენლებს სპორტისა და ახალგაზრდობის საქმეთა მინისტრის მოადგილე შალვა გოგოლაძე, ტურიზმის ეროვნული ადმინისტრაციის ხელმძღვანელი გიორგი ჩოგოვაძე, ტურნირის ორგანიზატორი გოდერძი ბუკია და ნარდის ფედერაციის პრეზიდენტი კახაბერ ნაჭყებია შეხვდნენ.

მსოფლიო თასის გათამაშებაში მონაწილეობას მიიღებს 20-მდე ქვეყნის  200-ზე მეტი წარმომადგენელი, ხოლო მედია-ტურნირში 10-ზე მეტი ქვეყნის 40-მდე ჟურნალისტი. ორივე ტურნირზე ასპარეზობები გაიმართება ორ კატეგორიად - პროფესიონალებსა და მოყვარულებს შორის.

მსოფლიო თასის გათამაშებაზე  გათვალისწინებულია  ასევე სხვადასხვა ქვეყნების ნაკრებთა შეჯიბრებები. ტურნირებზე დაწესებულია როგორც საპრიზო ფონდი, ასევე წამახალისებელი ჯილდოები. აღსანიშნავია, რომ საქართველოში სპორტული ნარდის განვითარება და პოპულარიზაცია ჯერ კიდევ 2007 წელს,  ქართველმა ბიზნესმენმა და მეცენატმა გოდერძი ბუკიამ დაიწყო.

10 წლის მანძილზე შეძენილი  გამოცდილების, დიდი ძალისხმევისა  და ნარდის მოყვარულთა წრეებში მოპოვებული ავტორიტეტის შედეგად, დღეს საქართველო სამი მნიშვნელოვანი ტურნირის ორგანიზატორია. ესენია - გოგი ბუკიას  ღია მემორიალი,  საერთაშორისო მედიატურნირი  და მსოფლიო თასის გათამაშება, რომელიც ერთ-ერთი ყველაზე მასშტაბური და  რეიტინგული ტურნირია მსოფლიოში,  მონტეკარლოს მსოფლიო ჩემპიონატთან ერთად. აღნიშნული ღონისძიებები სპორტული ნარდის განვითარებასთან ერთად ითვალისწინებდა ჩვენი ქვეყნის ცნობადობის ამაღლებას, მისი კულტურის, ფოლკლორის, ტრადიციების გაცნობას, რაც წარმატებით ხორციელდება საინტერესოდ შედგენილი პროგრამების წყალობით.

ასევე გამოსარჩევია, რომ გასულ წელს მსოფლიოს რამდენიმე პოპულარულ ჟურნალ-გაზეთსა და ტელევიზიაში  15-ზე მეტი სტატია და გადაცემა მომზადდა საქართველოს შესახებ.

შალვა გოგოლაძე: „სპორტისა და ახალგაზრდობის საქმეთა სამინისტრო რა თქმა უნდა მოხარულია, რომ უკვე მეორედ საქართველოში ტარდება მსოფლიო თასის გათამაშება სპორტულ ნარდში. სასიხარულოა, რომ გასულ წელს მაღალ დონეზე ორგანიზებული ტურნირის შემდეგ, უკვე მეორედ მოგვეცა მსოფლიო თასის მაპსინძლობის უფლება, როგორც ინდივიდუალურ, ასევე სანაკრებო დონეზე. ნარდის ფედერაციას ჩვენი მხრიდან სრულ მხარდაჭერას ვუცხადებთ, სპორტსმენებს კი წარმატებას ვუსურვებ.

გიორგი ჩოგოვაძე: საქართველოს ეკონომიკის სამინისტროს ტურიზმის ეროვნული ადმინისტრაცია უკვე მეორე წელია გახლავთ თანაორგანიზატორი სპორტულ ნარდში საერთაშორისო მედია-ტურნირისა, რომელიც მაისის თვეში საქართველოში ჩატარდება. მედია-ტურნირი ისეთი ცნობილი გამოცემების ჟურნალისტებით იქნება დაკომპლექტებული, როგორებიც არიან - „გარდიანი“, „ლოს ანჯელეს თაიმსი“, „ნიუ იორკ დეილი“ და ასე შემდეგ. აღნიშნული მედია-ტურნირი წყალტუბოში ჩატარდება და ჟურნალისტებს საშუალება მიეცემათ საქართველოს რამდენიმე რეგიონი დაათვალიერონ. მედია-ტურნირში საერთო ჯამში, 10-ზე მეტი ქვეყნის 40-მდე ჟურნალისტი მიიღებს მონაწილეობას


კომენტარები


სხვა სიახლეები
21.08.2017
ხანძრის ჩასაქრობად მობილიზებულია რამდენიმე ათეული სახანძრო-სამაშველო ბრიგადა, შემთხვევის ადგილზე მუშაობს 2 ვერტმფრენი
21.08.2017
ბორჯომის ხეობაში ცეცხლის ჩაქრობაში მონაწილეობას თურქეთიც მიიღებს
21.08.2017
ინფრასტრუქტურის მინისტრის თქმით, ყველაფერი საგანგებო თთბირის შემდეგ გადაწყდება
21.08.2017
სოფელ დაბას მოსახლეობა შიშობს, რომ ცეცხლი მთის ფერდობებიდან სოფელში გავრცელდება
21.08.2017
 გარემოს დაცვის სამინისტროს ინფორმაციით, ბორჯომის ხეობაში ხანძრის ლოკალიზება გაძლიერებული ქარისა და დაკვამლიანების გამო ვერ ხერხდება
21.08.2017
ხელისუფლების ინიციატივით, ადგილზე დაზარალებულთა დახმარების დროებითი ცენტრი  უკვე გახსნეს
21.08.2017
შალვა ნათელაშვილი იმ ფაქტს აპროტესტებს, რომლის შედეგადაც ის და მისი თანაგუნდელები სამართალდამცავებმა დარბაზიდან ძალის გამოყენებით გამოიყვანეს
21.08.2017
პროკურორის განცახდებით, წარდგენილი მტკიცებულებები ბრალდებულების მიერ დანაშაულის ჩადენის ფაქტს დაადასტურებს
21.08.2017
სასამართლოს გადაწყვეტილება არ საჩივრდება, ვინაიდან აღნიშნული სასამართლო წარმოადგენს მსგავსი საქმეების განხილვის უმაღლეს ინსტანციას
21.08.2017
22 აგვისტოს ერთი ამერიკული დოლარის ოფიციალური ღირებულება 2.3910 ლარი იქნება
21.08.2017
მოქალაქეს, სანქციის სახით, ფულადი ჯარიმა 5,171.24 ლარის ოდენობით შეეფარდა
21.08.2017
ბოროტმოქმედი, რომელმაც ქალაქ ტურკუში გამვლელები დანით დაჭრა, ამჟამად საავადმყოფოშია გადაყვანილი
21.08.2017
საგანგებო სიტუაციების სამინისტროს ვერტმფრენი საქართველოში უკვე გამოემგზავრა
დიდი სლემის 14-გზის ჩემპიონი სამწლიანი პაუზის შემდეგ რეიტინგის სათავეში მოექცა
დღევანდელი მონაცემებით ფერეიდანში 50 000-მდე ქართველი ცხოვრობს
წინასწარი ეტაპის შეხვედრები თბილისის დროით 12:00 საათზე დაიწყება, ხოლო ფინალური ბლოკი - 21:00 საათზე
სამ, 22 აგვისტო 2017
01:41