ჯანდაცვის მსოფლიო ორგანიზაციაში სკოლების დახურვა პანდემიასთან ბრძოლისას არაეფექტურ ინსტრუმენტად დაასახელეს. ამის შესახებ Reuters წერს. 

„დაწყებითმა სკოლებმა უნდა იმუშაონ. ბავშვები და მოზარდები ხელს არ უწყობენ ახალი კორონავირუსის გავრცელებას. ამიტომ სკოლების დახურვა არაეფექტურია“,- განაცხადა ჯანდაცვის მსოფლიო ორგანიზაციის ევროპული განყოფილების დირექტორმა ჰანს კლუგემ.

თუ ადამიანების 95% ატარებს პირბადეს - ეს იქნება COVID-19-ის საწინააღმდეგო ყველაზე ეფექტური ღონისძიება. 

„ლოკდაუნის თავიდან აცილება შესაძლებელია, ისევ ჩემს პოზიციაზე ვარ, რომ ეს უკანასკნელი ზომაა. პირბადის გამოყენება - პანაცეა არ არის, ეს უნდა მოხდეს სხვა ზომებთან ერთად, მაგრამ თუ ნიღაბს ადამიანების 95% გამოიყენებს, ლოკდაუნის შემოღების აუცილებლობა არ იქნება“,- ხაზგასმით აღნიშნა ჰანს კლუგემ.