სიახლეები
საინტერესო

რას მოუტანს თეთრი, მეტალის ხარი თითოეულ ზოდიაქოს ნიშანს? - 2021 წლის პროგნოზი ქართველი ასტროლოგისგან
09-12-2020
-
+


როგორი იქნება 2021 წელი, რას მოუტანს ხარი თითოეულ ზოდიაქოს ნიშანს? ვის ელოდება ბიზნესში წინსვლა? განათლების მიმართულებით წარმატება? მატერიალურ და სასიყვარულო სფეროში ცვლილებები? - ამ და ბევრ სხვა საინტერესო საკითხზე etaloni.ge ქართველ ასტროლოგს - ხათუნა ნოელს ესაუბრა.

დამდეგი წლის პროგნოზამდე ხათუნა ნოელი მიმდინარე რთულ წელს აჯამებს და იმ მიზეზებს ხსნის, რის გამოც 2020 მძიმე აღმოჩნდა: 

„2020 წელი მეტად რთული წელი იყო ყველა ჩვენგანისათვის. 2021 მისგან განსხვავებით უფრო მშვიდი იქნება. 2020-ის სირთულეს ისიც განაპირობებდა, რომ წელს უჩვეულოდ ბევრი - 6 დაბნელება გვქონდა, პლიუს ეს იყო ნაკიანი წელიწადი. რა თქმა უნდა, დიდი როლი შეასრულა მძიმე ენერგეტიკის მქონე პლანეტანის თავმოყრამ თხის რქის ზოდიაქოშიც, რომელმაც განსაკუთრებით გაურთულა ცხოვრება თავად თხის რქებს, კირჩხიბებს, სასწორებს და ვერძებს. 2020 იყო ძველი ციკლების დასასრული და ახლის დასაწყისი. გარკვეულწილად ამ წელს დაწყებული ტენდენციები  მომდევნო წელსაც გაგრძელდება და განსაკუთრებით საგრძნობი ეს გაზაფხულამდე იქნება. თუმცა ბევრად იოლ ვარიანტებში, ვიდრე წელს“ - ამბობს ასტროლოგი. 

სიახლეები და ცვლილებები ამ წელს, ცოტა არ იყოს, ძნელად განხორციელებადია - ასეთია ნოელის შეფასება ახალ, 2021 წელზე:

„აღმოსავლური კალენდრით შემოსული ახალი წელი 1 იანვარს არასდროს ემთხვევა. ამჯერად თეთრი, მეტალის ხარის წელი 2021-ის 12 თებერვალს დაიწყება. ხარი დინჯი, მშრომელი და ამავე დროს, შინაური ცხოველია. ამიტომ მას უყვარს ადამიანები, რომლებიც ბევრს შრომობენ, ოჯახს და შინაურებს დიდ დროს უთმობენ, გამოირჩევიან შინაგანი უბრალოებით, ერთგულებით, ამტანობით...ხარი კონსერვატორული ხასიათისაა, აუჩქარებელი, ნელი. ამიტომ სიახლეები და ცვლილებები ამ წელს, ცოტა არ იყოს, ძნელად განხორციელებადია.

საერთოდ, მხოლოდ მზის ნიშნით ანუ ზოდიაქოს მიხედვით პროგნოზის გაკეთება ბევრ ხარვეზებს მოიცავს, და შედეგიანიც ნაკლებად არის ხოლმე. რა საკვირველია, ზუსტი პროგნოზი უნდა კეთდებოდეს არა მხოლოდ მზის გათვალისწინებით, არამედ მინიმუმ მთვარის და ასცენდენტისა მაინც. თუმცა ვითვალისწინებთ რა მკითხველის დიდ ინტერესს, მაინც მოგაწვდით მოკლე მონახაზს, თუ რა შეიძლება ელოდეთ 2021-ში  ზოდიაქოს ნიშნების სხვადასხვა წარმომადგენლებს“. 

ასტროლოგიური პროგნოზი ხათუნა ნოელისგან ყველა ზოდიაქოს ნიშნისთვის, ასეთია: 

♈ ვერძი: ძალიან კარგად შეუძლიათ გამოიყენონ ეს წელი გავლენიანი ნაცნობების მოძიებაში. მათ წელს მფარველები გამოუჩნდებათ. თეთრი ხარი ვერძებს მარტო თამაშს უკრძალავს. მიუხედავად იმისა, რომ ვერძი ლიდერია, ახლა ლიდერობა ეკრძალებათ, აუცილებელია თანამშრომლობა.

კურო: სოციალური ზრდა და კარიერაში წარმატება ელოდებათ, მათ უბრალოდ სწორი ნაბიჯების გადადგმა ევალებათ. თუმცა, რა საკვირველია, ყველაფერი დამოკიდებული იქნება მათ მიერ განვლილ დროზე.

ტყუპები: ამ ნიშნის წარმომადგენლებისთვის წელს განათლების საკითხი იქნება აქტუალური. ყველა ტყუპი აბიტურიენტი, განსაკუთრებული გამონაკლისის გარდა, უპრობლემოდ მოეწყობა უმაღლეს სასწავლებელში. დიდი შანსია, რომ ტყუპების უმრავლესობა საზღვარგარეთ წავიდეს სასწავლებლად.

კირჩხიბი: გაუმართლათ, მათ არ მოუწევთ ყოფით პრობლემებზე ფიქრი. მატერიალურ კეთლლდღეობაზე მისი პარტნიორი იზრუნებს. თუმცა, ამ წელს მათ სარისკო მოქმედება ეკრძალებათ. სასურველია, უბრალოდ დაგეგმონ მომავალი წელი.

ლომი: აქვთ რისკი, რომ ის სტატუსი დაკარგონ, რაც ამჟამად საზოგადოებაში აქვთ მოპოვებული. განსაკუთრებით საფრთხილოა სასიყვარულო ავანტიურები. ლომებისთვის უკუნაჩვენებია ეს საკითხი და არავითარ შემთხვევაში არ გაბედონ და არ ჩაებან სასიყვარულო ინტრიგებში.

ქალწული: ამ წელიწადში არ გაუჭირდებათ, რასაც ხარი მოითხოვს, ქალწულებს ისედაც ბუნებრივად აქვთ - მოწესრიგებულები, მშრომელები და სადები არიან, თუმცა 2021 წელს მათი შრომა სათანადოდ არ დაფასდება. ფინანსური სარგებელი არ ექნებათ, მაგრამ გარანტირებულად შემიძლია ვთქვა, რომ როგორი კრიზისიც უნდა იყოს, ისინი სამსახურს არ დაკარგავენ.

სასწორი: მათთვის, თვითპრეზენტაციის, ოჯახის შექმნისა და სიყვარულის წელიწადია. ხარი სასწორებს საკუთარი თავის გამოვლენას და საოჯახო საქმეებით დაკავებას მოსთხოვს.

მორიელი: მათთან საოჯახო თემატიკა იქნება წამოწეული, შესაძლოა შექმნას ოჯახი, აგრეთვე, მოსალოდნელია ოჯახის დანგრევაც. დღის წესრიგში დადგება სახლის შეძენა, გარემონტება ან უძრავი ქონებით ბიზნესის წამოწყება. მორიელებმა აგრეთვე დიდი ყურადღება უნდა დაუთმონ ოჯახის ხანდაზმულ წევრებს. მოკლედ, 2021 წელს მათთვის საოჯახო საქმეები იქნება აქტუალური. თავად ხანდაზმულ მორიელებს კი შეუძლიათ მემუარები წერონ.

მშვილდოსანი: ახალი ცოდნის შეძენის აუცილებლობა იქნება წელს აქტუალური. ახალი ნაცნობობა, ახალი კონტაქტები და ბევრი სიახლე ელოდება 2021 წელს მშვილდოსანს. ამ ნიშნისთვის წელს ძველ საქმეებზე გაჩერება აკრძალულია.

თხის რქა: ეს ნიშანი 2021 წელს ფინანსების მიმართ უნდა გააქტიურდეს, თუკი აქვს რაიმე ბიზნეს გეგმა, აუცილებლად უნდა განახორციელოს, რადგან თუ თავად არ იფიქრებს დამატებით ფინანსებზე, მაშინ სამყარო იძულებით გააკეთებინებს რამე ბიზნესს, ასეთ შემთხვევაში კი შესაძლოა, კი არ მოიპოვონ, არამედ დაკარგონ კიდევაც ფინანსები.

მერწყულები: ამ წელს განსაკუთრებული და გრანდიოზული საქმე უნდა წამოიწყოს თანამოაზრეებთან ერთად. მას წარმოუდგენელი წარმატება ელოდება, იმ შემთხვევაში თუ მნიშვნელოვან და დიდ საქმეს დაიწყებს.

თევზები: სიფრთხილე, გონიერება და თავდაჭერა მოეთხოვებათ. ახლა მათი ემოციების და სენტიმენტების დრო არ არის. სჯობს გაწონასწორებულად და ლოგიკურად იაზროვნონ.

ყველას, განურჩევლად თქვენი ზოდიაქოს ნიშნებისა, წინასწარ გილოცავთ დამდეგ ახალწელს და გისურვებთ ჯანმრთელობას, წარმატებებს, სიყვარულს, სიუხვეს და ბარაქას!!

ხათუნა ნოელი


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
მასწავლებლების გამოცდაზე რეგისტრაცია აპრილის პირველ ნახევარში დაიწყება - NAEC
„განათლების სისტემაში ასეულობით ვაკანსია გვაქვს და ჰაერივით გვჭირდება ცოდნამიღებული ახალგაზრდები...“
ბრალდებულმა, მკვეთრი მანევრით, ნაპირიდან მოშორებით „ბანანი“ ამოატრიალა, რის შედეგადაც უჟილეტო ბავშვები ზღვაში ჩაცვივდნენ
პიროვნება
„ვფიქრობ მოსწავლეები დამახასიათებენ მეგობრულ, საყვარელ, სამართლიან მასწავლებლად“
„ბევრი ჩემი მოსწავლის ოჯახში ჩემი აღზრდილი სამი თაობა ცხოვრობს ერთად. ეს ბევრს ნიშნავს ჩემთვისაც და მათთვისაც“
„ვფიქრობ, ქარიზმა, შარმი, პიროვნული ხიბლი აუცილებელია მასწავლებლისთვის, სკოლის ლიდერისთვის“
სკოლები
კონკურსის მონაწილეები იყვნენ მე-9 და მე-10  კლასის მოსწავლეები: ნინო ყიფშიძე, მარიამ ნადირაძე, ქეთი გოგოლაძე, ლიზი ძინძიბაძე და მარიამ შეყლაშვილი
როგორც სკოლაში გვიყვებიან, დაჯილდოვდება ის მონაწილე, რომელმაც მაქსიმალური ქულის 70% და მეტი დააგროვა
მათ სხვადასხვა სახალისო აქტივობა განახორციელეს და დრო ნაყოფიერად გაატარეს
მოსწავლეების თვალი დანახული წელიწადის ყველაზე ფერადი სეზონი და საინტერესო გამოფენა - დღე, რომელიც მოსწავლეებისთვის ძალიან საინტერესო და დასამახსოვრებელი აღმოჩნდა
მოსწავლეებმა შესაძლებლობები გამოავლინეს, დრო ნაყოფიერად გაატარეს და რაც მთავარია, ცოდნა კიდევ უფრო გაიღრმავეს
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება