მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
წყალტუბოს N4 საჯარო სკოლის მე-8 კლასში ქართული ენის გაკვეთილზე ნოდარ დუმბაძის მოთხრობის „ბოშები“ შესწავლის შემდეგ, მოსწავლეებმა მოამზადეს საინტერესო პრეზენტაციები.
ნია ქობულიამ შეისწავლა ბოშათა წარმომავლობის შესახებ და საინტერესო ილუსტრაციებიც წარმოადგინა, მარიამ ობოლაძემ თავისი ნახატები გააცნო მეგობრებს, ხოლო ლუკა კოპალიანმა ლექსები წაიკითხა.
ბავშვებში დიდი ინტერესი გამოიწვია მათი თანაკლასელის მარია ჭიჭინაძის კლიპმა.
სწორედ ბოშათა საინტერესო და მრავალფეროვანი ცხოვრება გახდა მარიამ ჭიჭინაძის ინსპირაციის წყარო.
მარიამმა მშობლების დახმარებით გადაიღო სამოყვარულო კლიპი, სადაც გააცოცხლა ბოშა ქალის ერთი დღე.
„ასეთი ფერადი და ლამაზი კლიპისთვის, მადლობა, მის მშობლებს ბატონ ზაზას და ქალბატონ ინგას და რა თქმა უნდა, მასწავლებელს მანანა ჯავახაძეს, რომელიც მუდამ სიახლეების ძიებაშია.
უნდა აღინიშნოს, რომ მარიამ ჭიჭინაძე მე-4 სკოლის დრამწრის „აპოლოს“ წევრია. მან შარშან ნოდარ დუმბაძის სახლ-მუზეუმში წარმოადგინა ოლღა ბებიას საინტერესო სცენური სახე.
წარმატებები ნიჭიერ გოგონას, მის მეგობრებს და ქართული ენის მასწავლებელს ქალბატონ მანანა ჯავახაძეს“-წერია სკოლის ადმინისტრაციის ინფორმაციაში.
იხილეთ ფოტოები და ვიდეო