სასტუმრო ''ქორთიარდ მარიოტთან'' ცენტრალური ევროპის უნივერსიტეტის მხარდამჭერებსა და მოწინააღმდეგეებს შორის სიტყვიერი შელაპარაკება მოხდა
21.04.2017
სასტუმრო "ქორთიარდ მარიოტთან" ცენტრალური ევროპის უნივერსიტეტის მხარდამჭერებსა და მათ მოწინააღმდეგეებს შორის მცირე ინციდენტი მოხდა. მათ შორის სიტყვიერი შელაპარაკება რამდენიმე წუთის წინ მოხდა. 

აქციის მონაწილეები, რომლებიც აცხადებენ, რომ სოროსის იდეებს ეწინააღმდეგებიან, ცენტრალური ევროპის უნივერსიტეტის მხარდამჭერებს ტერიტორიის დატოვებისკენ მოუწოდებენ. მათ შორის დაპირისპირება პლაკატის წართმევის მცდელობას მოჰყვა. თუმცა სიტუაცია სამართალდამცველების ჩარევის შემდეგ განიმუხტა. ადგილზე ამ დრომდე რჩებიან აქციის მონაწილე ორივე მხარე, რომლებიც უნგრეთის პრემიერ-მინისტრის მისვლას ელოდებიან. 

მიმდებარე ტერიტორიაზე იმყოფებიან სამართალდამცველები. 

უნგრეთის პარლამენტმა მხარი დაუჭირა განახლებულ რეგულაციებს განათლების შესახებ კანონში, რომელიც ევროკავშირის არაწევრ ქვეყნებში დაფუძნებული უნივერსიტეტების ფუნქციონირების შეზღუდვას ითვალისწინებს. შედეგად, ბუდაპეშტში მოქმედ ცენტრალური ევროპის უნივერსიტეტს (CEU), რომელიც ჯორჯ სოროსის მიერ არის დაფუძნებული, დახურვა ემუქრება.



კომენტარები


სხვა სიახლეები
ორშ, 18 დეკემბერი 2017
18:54