ბათუმის N20 საჯარო სკოლის მე-5^ა კლასის მოსწავლეებმა შეასრულეს კომპლექსური დავალება - მოქმედებები დიდ რიცხვებზე -მილიონის ფარგლებში. მოსწავლეებმა დავალების შესრულებისას კოსმოსში ვირტუალურად იმოგზაურეს და პლანეტების მოდელები დაამზადეს.

„მოსწავლეებმა „ჯადოსნური ხომალდით“ ვირტუალურად იმოგზაურეს კოსმოსში. ჯადოსნურ ხომალდს არც მხურვალე მზის ეშინია და არც მყინვარი პლანეტების. მათ მოიპოვეს ინფორმაცია - თუ რა მანძილითაა დაშორებული თითოეული პლანეტა მზიდან. მონაცემები დაამრგვალეს უმაღლეს თანრიგამდე და ჩაწერეს 10-ის ხარისხების სახით. ეს ინფორმაციები კი წარმოადგინეს ცხრილის მეშვეობით. პატარა „კოსმონავტებმა“ დაამზადეს იმ პლანეტების მინი მოდელები, რომლებიც „მოინახულეს ჯადოსნური ხომალდით“,- ნათქვამია სკოლის ინფორმაციაში. 

კრეატიული მოდელების შემქმნელები არიან: სალი პლატონაძე , ანანო​ ტაკიძე, მათე​ მოქია, ბაჩი ჩაუშბა ​და მანუჩარ​ ვერძაძე.

იხილეთ ფოტოები და ვიდეო