ქუთაისში, აკაკი წერეთლის სახელმწიფო უნივერსიტეტში, სამეცნიერო პიკნიკი მოეწყო
21.04.2017
აკაკი წერეთლის სახელმწიფო უნივერსიტეტში, სამეცნიერო პიკნიკს სახელწოდებით "მეცნიერება სახალისოა" მიმდინარეობს. ღონისძიება სკოლის ასაკის ბავშვებისთვის იმართება.

სამეცნიერო პიკნიკის ფარგლებში, სპეციალურად გაშლილ კარვებში/პავილიონებში საინტერესო ექსპერიმენტები და ინტერაქციული გამოფენები მოეწყო.

ღონისძიებას ქუთაისის მერი შოთა მურღულია, იმერეთის გუბერნატორი გივი ჭიჭინაძე, საკრებულოს თავმჯდომარე დავით დვალი და ვიცე-გუბერნატორი იოსებ ხახალეიშვილი დაესწრნენ.

სამეცნიერო პიკნიკი დასავლეთ საქართველოში პირველად ტარდება და მასში მონაწილეობას იმერეთის რეგიონის (ბაღდათი, ვანი, ზესტაფონი, თერჯოლა, წყალტუბო, საჩხერე, ჭიათურა, ხარაგაული, ხონი) სკოლების IX, X, XI და XII კლასის მოსწავლეები იღებენ.
სამეცნიერო პიკნიკის თანაორგანიზატორია ქალაქ ქუთაისის მუნიციპალიტეტის მერია.


კომენტარები


სხვა სიახლეები
ორშ, 23 ოქტომბერი 2017
20:51