მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
„ვაჩუქოთ ერთმანეთს სიყვარული“ - ამ მოწოდებით მარტვილის მუნიციპალიტეტის სოფელ ლეხაინდრაოს საჯარო სკოლის მოსწავლეებმა ვიდეომიმართვა გაავრცელეს.
სკოლის მასწავლებლის ოთო დანელიას თქმით, ვირტუალური ვიდეომიმართვის იდეა გიორგი ლეონიძის ემოციური ჩანახატის განხილვისას დაიბადა.
„ამ ბავშვებს ზურგზე ხურჯინი აქვთ მოკიდებული და შიგ სიყვარული ჩაულაგებიათ...
დადიან, დაატარებენ ამ ხურჯინს და არიგებენ და არიგებენ...
არ ბეზრდებათ, ესაა მთავარი...
ისინი ბევრად მეტნი არიან,სხვა დროს სხვებსაც გაგაცნობთ...
ამასწინათ, გიორგი ლეონიძის საოცრად ემოციური ჩანახატის განხილვისას, დაიბადა იდეა ვირტუალური ვიდეომიმართვისა - „ვაჩუქოთ ერთმანეთს სიყვარული“...
ჰო და, გჩუქნიან ეს სიყვარულისფერი ბავშვები დედამიწის დამატრიალებელ გრძნობას...იჩუქეთ და აჩუქეთ სხვებსაც!..
პ.ს. შეგნებულად არ მივაქციე ყურადღება ვიდეოში გაპარულ შეცდომებს, საოცრად გულწრფელი და ბუნებრივი მეჩვენა...
მთავარია, გვიყვარდეს და შეცდომების გასწორება რა პრობლემაა, არც არაფერი...“,-წერს სკოლის პედაგოგი ოთო დანელია.
იხილეთ ვიდეო