მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ქუთაისის N12 საჯარო სკოლის მოსწავლეები საახალწლო სამზადისს განსხვავებული ფორმით შეუდგნენ. საკლასო ოთახების მორთვის ჩვეული ტრადიცია ამჯერად მათ დისტანციური სწავლების მოდელს მორგებული აქტივობით ჩაანაცვლეს.
„Vბ, VIბ და VIIბ კლასის მოსწავლეები სახვითი და გამოყენებითი ხელოვნების პედაგოგ ლიკა ჯაფარიძის მიერ ორგანიზებული სახალისო პროექტის „საახალწლო მარათონის“ აქტიურ და მოტივირებულ მონაწილეებად იქცნენ.
საზეიმო განწყობა შექმნა ინტერნეტ სივრცეში განთავსებულმა ვიდეორგოლებმა და ფოტომასალამ, სადაც მნახველი ეცნობა მოსწავლეების მიერ განსხვავებული ტექნიკისა და მასალის გამოყენებით შექმნილი საახალწლო მაკეტების, ნაძვის მოსართავებისა თუ სხვა დეკორატიული ნივთების შექმნის პროცესსაც და საბოლოო შედეგებსაც.
ნამუშევრები ამჟღავნებენ მოსწავლეთა დახვეწილ გემოვნებას, გაკვეთილზე მიღებული ცოდნისა და პრაქტიკული უნარების სინთეზურად წარმოჩენის ოსტატობას.
პროექტი მიზნად ისახავდა მოსწავლეთა შემოქმედებითობის სტიმულირებასა და მათ ხელშეწყობას ნებისმიერ დროსა და სივრცეში განეხორციელებინათ საკუთარი ჩანაფიქრები“,-აღნიშნულია სკოლის ინფორმაციაში.
იხილეთ ფოტოები