მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ფოთის N12 საჯარო სკოლა დისტანციური სწავლების პროცესში ახორციელებს სხვადასხვა პროექტებს. წარმოგიდგენთ მათ შორის ერთ-ერთს - English outside the classroom- ინგლისური სკოლის კედლებს მიღმა.
პროექტის ავტორია ინგლისური ენის პედაგოგი ნანა გალდავა. პროექტის მიზანია ინგლისური ენის გამოყენება პრაქტიკაში, კულტურული ღირებულებების გაცვლა, საკომუნიკაციო უნარების ამაღლება.
ერთი კვირის განმავლობაში პროექტის ფარგლებში განხორციელდა შემდეგი აქტივობები:
1. მე-4 კლასი და პოლონეთი (საშობაო ბარათების გაცვლა);
2. VIII -IX- X კლასები და პოლონეთი (წერილების გაცვლა ჩვენი ქვეყნის კულტურა, სკოლა, ცხოვრების სტილი);
3. VIII - IX კლასები და ეგვიპტე&სერბია (კულტურა - ტრადიციები -მდებარეობა) („ზუმით“ ჩართვა);
4. V-VI კლასები - იტალია (კულტურის გაცვლა- საახალწლო და საშობაო ტრადიციები).
„ჩემს ამ კვირას დავარქვი Cultural Exchange all round the world“,- ამბობს პედაგოგი. მოსწავლეებმა გაცვალეს ინფორმაცია საკუთარი ქვეყნის კულტურული, სოციალური ღირებულებებისა და ტრადიციების შესახებ; გაიცნეს თანატოლები; გაიუმჯობესეს საკომუნიკაციო და ინგლისური ენის პრაქტიკულად გამოყენების უნარები. პროექტმა უდიდესი ინტერესი გამოიწვია მოსწავლეებში, როგორც ჩვენი, ასევე პარტნიორი საზღვარგარეთის სკოლების მხრიდან. პროექტი გრძელვადიანია. შედეგები, რომელსაც პროექტით მიაღწია პედაგოგმა, მომავალში მოსწავლეთა მოტივაციის ამაღლებისა და საგნობრივი კომპეტენციების განვითარების უტყუარ საფუძველს წარმოადგენს“,- დასძენს მასწავლებელი.
გთავაზობთ პროექტის განმავლობაში შექმნილ ფოტო-მასალას: