ნანუკა ჟორჟოლიანი ფეისბუქზე წერს
იხილეთ ფოტო
''ოქროს ლიგის'' გამარჯვებული თბილისის ''შევარდენი 2005'' გახდა
18.05.2017
სავაჭრო ცენტრში "თბილისი მოლი" ჭაბუკ ძიუდოისტთა შორის  -  ავთანდილ ჭრიკიშვილის სახელობის საკლუბო ჩემპიონატის ფინალური ეტაპი - "ოქროს ლიგა" გაიმართა, რომლის გამარჯვებულიც თბილისის "შევარდენი 2005" გახდა. ფინალში "შევარდენი 2005"-მა ქარელის "დურმიშხანი" დაამარცხა. მესამე ადგილოსნები გახდნენ - "ლიდერი" და "ოლიმპი".

საკლუბო ჩემპიონატის ფინალურ სტადიაზე, რომლის საპრიზო ფონდი 210 000 ლარი იყო, მონაწილეობა მიიღო შესარჩევ ეტაპზე გამარჯვებულმა 8 საუკეთესო გუნდმა.  შესარჩევ ეტაპზე საქართველოს სხვადასხვა რეგიონის 50-მდე გუნდი მონაწილეობდა.

"ოქროს ლიგის" ორგანიზატორი საქართველოს ძიუდოს ეროვნული ფედერაცია, მხარდამჭერი კი სპორტისა და ახალგაზრდობის საქმეთა სამინისტრო გახლდათ. "ოქროს ლიგის" ფინალურ ეტაპს მოწვეულ სტუმრებთან ერთად, სპორტისა და ახალგაზრდობის საქმეთა მინისტრი ტარიელ ხეჩიკაშვილი დაესწრო. ღონისძიებას ესწრებოდნენ ძიუდოს ფედერაციის პრეზიდენტი დავით ქევხიშვილი და საქართველოს ნაკრების ერთ-ერთი ლიდერი ავთანდილ ჭრიკიშვილი. გამარჯვებული სპორტსმენები მინისტრმა, დავით ქევხიშვილმა და ავთანდილ ჭრიკიშვილმა დააჯილდოვეს.

ლიგის გამარჯვებულმა "შევარდენი 2005"-მა 50 ათასი ლარი მიიღო, მეორე ადგილზე გასულ კლუბს - 40 ათას ლარი, ხოლო მესამეადგილოსნებმა 30-30 ათასი ლარი შეხვდათ.
მესამე ადგილისთვის შეხვედრებში დამარცხებულ კლუბებს 20 ათასი ლარი გადაეცათ, ხოლო მეშვიდე ადგილზე გასულ კლუბებს - 10 ათასი ლარი. საქართველოს საკლუბო ჩემპიონატი უმცროს ჭაბუკებს შორის წლეულს მეხუთედ ტარდება.

წინა ოთხივე ჩემპიონატის გამარჯვებულიც თბილისის "შევარდენი 2005" გახდა და ოთხივეჯერ ფინალში თბილისის „ლიდერი" დაამარცხა."თბილისი მოლიდან" მიმდინარეობდა ტურნირის პირდაპირი ინტერნეტრეპორტაჟი საზოგადოებრივი მაუწყებლის youtube-ის გვერდზე.
სხვა სიახლეები
25.05.2017
პრეზენტაციას სპორტისა და ახალგაზრდობის საქმეთა მინისტრი ტარიელ ხეჩიკაშვილი დაესწროhttp://www.sportstat.gov.ge/
25.05.2017
თიგიშვილი ცხინვალთან, 2008 წლის აგვისტოს, რუსეთის საავიაციო იერიშის დროს დაიღუპა
25.05.2017
ღონისძიების მიზანს, შეზღუდული შესაძლებლობის მქონე ბავშვთა/პირთა სოციალური ინტეგრაციის ხელშეწყობა წარმოადგენდა
25.05.2017
გამგებლის მოადგილემ მას ბორჯომის ხეობისა და სამკურნალო მინერალური წყლის შესახებ ინფორმაცია მიაწოდა
25.05.2017
დღევანდელი ვაჭრობის შედეგად მიღებული კურსები ხვალიდან შევა ძალაში
25.05.2017
ადგილობრივი თვითმმართველობა აბიტურიენტებს ახალციხის მიმართულებით უფასო ტრანსპორტით მოემსახურება
ნანუკა ჟორჟოლიანი ფეისბუქზე წერს
იხილეთ ფოტო
პარ, 26 მაისი 2017
03:58