გორში სარაგბო კლუბ “ჯიქის“ ჩემპიონობა აღნიშნეს
19.05.2017
გორში საქართველოს სარაგბო ჩემპიონატის “დიდი 10“-ის გამარჯვებული გორის “ჯიქის“ დაჯილდოების ცერემონია გაიმართა.

ღონისძიებას დაესწრო სპორტისა და ახალგაზრდობის საქმეთა მინისტრი ტარიელ ხეჩიკაშვილი და ადგილობრივი მუნიციპალიტეტის ხელმძღვანელობასთან  - შიდა ქართლის სახელმწიფო რწმუნებულ - გუბერნატორთან კახა სამხარაძესთან და ქალაქის მერთან ზურაბ ჯირკველიშვილთან ერთად, გორელ მორაგბეებს ჩემპიონობა მიულოცა.

გორის “ჯიქმა” საქართველოს ჩემპიონატში დამაჯერებლად ითამაშა და რეგულარული სეზონი, 61 ქულით დამაჯერებლად მოიგო. მეორე ფინალისტი გუნდი “ბათუმი“ რეგულარულ გათამაშებაში მეორე ადგილზე გავიდა და დიდ ფინალში გადასასვლელ შეხვედრაში მოქმედ ჩემპიონ “ლელო-სარასენსს“ 11:9 აჯობა.

“ჯიქმა“ დიდი 10 ტოიოტას ფინალში, რომელიც 14 მაისს მიხეილ მესხის სახელობის სტადიონზე გაიმართა ბათუმის “ბათუმს” 28:22 სძლია და არსებობის ისტორიაში პირველად გახდა საქართველოს ჩემპიონი. გორელებმა დიდი 10 ტოიოტას ფინალის მოგებით დამატებით 70 ათასი ლარი მიიღეს.

“ჯიქის” მთავარი მწვრთნელი საქართველოს ნაკრების ყოფილი მორაგბე პალიკო ჯიმშელაძეა.


კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
23:11