პროექტ Check in Georgia-ის ფარგლებში ჯომარდობაში ევროპის ჩემპიონატს უმასპინძლებს
19.05.2017
პროექტ Check in Georgia-ის ფარგლებში  ჯომარდობაში ევროპის ჩემპიონატს უმასპინძლებს.

22–28 მაისს, ბორჯომის ხეობაში, სოფელ ჩითახევში მდინარე მტკვარზე გაიმართება ევროპის  ჩემპიონატი ჯომარდობაში.  ევროპირველობასთან დაკავშირებით 19 მაისს სამინისტროში გამართულ პრესკონფერენციაზე ჟურნალისტების შეკითხვებს უპასუხეს სპორტისა და ახალგაზრდობის საქმეთა მინისტრის პირველმა მოადგილემ აკაკი ლოდიამ, ჯომარდობის ფედერაციის პრეზიდენტმა დავით ქაცარავამ და ბორჯომის მუნიციპალიტეტის გამგებლის პირველმა მოადგილემ ანზორ სვანიძემ.

ჯომარდობის ევროპის ჩემპიონატი ჩატარდება სპორტისა და ახალგაზრდობის საქმეთა სამინისტროს ორგანიზებით და ბორჯომის მუნიციპალიტეტის გამგეობის მხარდაჭერით.
ევროპის ჩამპიონატი ჯომარდობაში  იმ 13 სპორტული ღონისძიების რიცხვშია, რომელიც გაერთიანებულია პროექტში Check in Georgia.

აკაკი ლოდია: "ჯომარდობა არის სპორტის ის სახეობა, რომელიც დაკავშირებულია ტურიზმთან. ჩვენი ერთ-ერთი პრიორიტეტი გახლავთ სპორტული ტურიზმის განვითარება. ეს პროექტი განხორციელდება ჩჰეცკ ინ Gეორგია შპორტ-ის ფარგლებში. აქედან გამომდინარე ძალიან მნიშვნელოვანი ღონისძიებაა, ტურნირში მონაწილეობას მიიღებს 45 გუნდის 300-ზე მეტი სპორტსმენი. მინდა წარმატება ვუსურვო ჩვენს სპორტსმენებს".

ევროპის ჩემპიონატის  პირდაპირი ტრანსლირება მოხდება ინტერნეტით საქართველოს ჯომარდობის ფედერაციის ყოუტუბე.ცომ ის არხზე, ასევე ინტერნეტ ტელევიზია GogaTV-ის მეშვეობით.

ევროპირველობა ჩატარდება  6 კაციანი ნავებით – რაფტებით  4 ასაკობრივ კატეგორიაში ქალებსა და მამაკაცებში. კატეგორიები – 19-წლამდე, 23-წლამდე, ღია ანუ პროფესიონალები და მასტერსი ანუ ვეტერანები. ჩემპიონატი ტარდება მსოფლიო ფედერაციის ოფიციალური წესების და კრიტერიუმების დაცვით 4 დისციპლინაში – სწრაფდაშვება (სპრინტი), პირისპირ დაშვება (ჰედთუჰედ), სლალომი, დაშვება გრძელ მონაკვეთზე (დაუნრივერი).

სამსაჯო კოლეგია სრულად დაკოპლექტებულია მსოფლიო ფედერაციის წარომადგენლებით. ასევე წყალზე უსაფრთხოების უზრუნველოფას მოახდენს პროფესიონალ კაიაკერთა და უსაფრთხოების სპეციალისტთა ჯგუფი. ევროპის ჩემპიონატს სტუმრად ეწვევა მსოფლიო ფედერაციის პრეზიდენტი  ბატონი ჯო ვილის ჯონსი. შეჯიბრისას იგი პირდად უხელმძღვანელებს უსაფრთხოების ჯგუფის მუშაობას.

გუნდები საშეჯიბრო მონაკვეთზე გეგმიურ ვარჯიშებს 22 მაისს დაიწყებენ.

ღონისძების ოფიციალური გახსნა დაგეგმილია 23 მაისს 20:00 საათზე  ბორჯომში სილამაზის ხიდის მიმდებარე ტერიტორიაზე.

საშეჯიბრო დღეებია – 24, 25, 26 და 27 მაისი.

ღონისძიების საპატიო სტუმრების და სამსაჯო კოლეგიის შიდა გადაყვანას უზრუველყოფს  გენერალური სპონსორი – ტურისტული კომპანია ჯეოვაილდექსი.

ღონისძიების ყველა სტუმარი შეჯიბრის პერიოდში დაზღვეული იქნება საერთაშრისო სადაზღვევო კომპანია „კამარას“ მიერ.

გამარჯვებულების დაჯილდოება და ჩეპიონატის დახურვა გაიმართება 27 მაისს ბორჯომის რაიონის სოფ. ჩითახევში, საჯომარდო ბანაკში „ჯომარდია“. 

28 მაისს სპორტემენები და ღონისძიების უცხოელი სტუმრები დატოვებენ საქართველოს.

Check in Georgia-ს ფარგლებში საქართველო 2017 წელს მასპინძლობს:

ძიუდოს გრან პრი, თბილისი 31 მარტი - 2 აპრილი
საერთაშორისო ჩემპიონატი ავტორბოლაში, რუსთავი, 1-2 აპრილი
დევისის თასის მატჩი (საქართველო-ლიტვა), თბილისი - 7-9 აპრილი
ევროპის ჩემპიონატი სუმოში, თბილისი - 22-23 აპრილი
მსოფლიო რბენა ჭინგს ფორ Lიფე, კახეთი, ლოპოტას ხეობა, 7 მაისი
ევროპის ჩემპიონატი უშუში, თბილისი, 11-21 მაისი
ევროპის ჩემპიონატი ჯომარდობაში, ბორჯომი, 22-28 მაისი
მსოფლიო ახალგაზრდული ჩემპიონატი რაგბიში, თბილისი-ქუთაისი - 31 მაისი-18 ივნისი
ევროპის ჩემპიონატი ფარიკაობაში, თბილისი - 11-17 ივნისი


კომენტარები


სხვა სიახლეები
22.09.2017
ამის შესახებ კომისიის წინასწარ დასკვნაშია ნათქვამი, რომელიც დღეს გამოქვეყნდა
22.09.2017
 ირაკლი კობახიძის განცხადებით, ვენეციის კომისიის დაკსვნაში რეკომენდაცია ეხებოდა მიწის გასხვისების საკითხს
22.09.2017
პარლამენტის თავმჯდომარემ ვენეციის კომისიის საბოლოო დასკვნის შინაარსი საზოგადოებას საგანგებო ბრიფინგზე გააცნო
22.09.2017
„არაფერი ღირს ჩვენი შვილების ჯანმრთელობის ფასად - ვისუნთქოთ სუფთა ჰაერი“
კვი, 24 სექტემბერი 2017
01:40