ე.წ. კანიბალიზმის საქმეში ბრალდებულის ადვოკატი - ბექა შენგელია შემდეგ პროცესზე ჩვენებას შეცვლის
19.05.2017


76 წლის ლუბა ყოჩიაშვილის მკვლელობის საქმეში ბრალდებული ბექა შენგელია შემდეგ პროცესზე ჩვენებას შეცვლის, - ამის შესახებ ბექა შენგელიას ადვოკატმა ლალი ბიწოშვილმა განაცხადა. 

ადვოკატის თქმით, ბექა შენგელიას პირველი ჩვენება განპირობებული იყო მისი შეყვარებულის გადასარჩენად, ხოლო რადგან მას წინა პროცესებზე უკვე მიუსაჯეს 8 წლით თავისუფლების აღკვეთა, ამჟამად არ არსებობს იმის აუცილებლობა, რომ ბექა შენგელიამ რეალურ ფაქტებზე არ ისაუბროს. 

"ბექას ჩვენება მიცემული აქვს და ეს იყო აღიარებითი ჩვენება. ამის ერთადერთი მოტივაცია ის იყო, რომ გადაერჩინა თავისი შეყვარებული. ყოველი შეხვედრის დროს მე ამ მოტივს მიმეორებს ბექა შენგელია. თუმცა, იქიდან გამომდინარე, რომ მის შეყვარებულს უკვე მიუსაჯეს, ბექა შენგელია შეცვლის ჩვენებას", - განაცხადა ლალი ბიწოშვილმა.

მისივე ინფორმაციით, შემდეგი სხდომა 23 მაისს, ბექა შენგელიას და საქმეში კიდევ ერთი ბრალდებულის ირმა ყოჩიაშვილის დაკითხვით გაგრძელდება, რის შემდეგაც მხარეები დასკვნით სიტყვას წარმოთქვამენ. 

რაც შეეხება დღევანდელ პროცესს, დღეს საქმეში დანაშაულის შეუტყობინებლობისთვის ბრალდებული, ლუკა ჩიხლაძე დაიკითხა.


კომენტარები


სხვა სიახლეები
18.11.2017
ამის შესახებ უკრაინის უშიშროების სამსახური იუწყება
18.11.2017
ახლად დამტკიცებული საქალაქო სამსახურის ხელმძღვანელები და გამგებლები თბილისის მერთან ერთად მუშაობას ორშაბათიდან დაიწყებენ
შაბ, 18 ნოემბერი 2017
23:14