მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ახმეტის მუნიციპალიტეტის სოფელ საკობიანოს საჯარო სკოლის XII კლასის მოსწავლემ, ქეთი ბაიდაურმა ონლაინ-თამაშში -„საქართველოს აბიტურიენტთა თანავარსკვლავედი 2021“ მეორე ადგილი დაიკავა.
მოსწავლეს „ეტალონის“ ONLINE ინტელექტუალურ კონკურსში წარმატებით მონაწილეობისთვის დიპლომი გადაეცა.
„პროექტი უდავოდ განსხვავებული იყო და ასევე ორიგინალურად წარიმართა. მიხარია, რომ „საქართველოს აბიტურიენტთა თანავარსკვლავედი 2021“-ის პირველივე გადაცემაში მივიღე მონაწილეობა და ამ ისტორიულ დღეს, საკუთარი წვლილი შევიტანე. პროექტი საინტერესო და შემეცნებითი იყო, თუმცა მეორე ადგილს ნამდვილად არ ველოდი და ძალიან გამიხარდა“, - აღნიშნავს სკოლის მოსწავლე.
31 იანვარს, „ეტალონმა“ უპრეცედენტო პროექტი დაიწყო - ონლაინ-თამაში -„საქართველოს აბიტურიენტთა თანავარსკვლავედი 2021“, რომელიც „ზუმის“, „ეტალონის“ კითხვების მეთოდოლოგიისა და izrune.ge-ს მაღალი ტექნოლოგიების შერწყმის საფუძველზე შეიქმნა.
პროექტმა პირველივე დღეს დიდი დაინტერესება გამოიწვია, რაზეც მონაწილეთა რაოდენობა მეტყველებს - კონკურსში 64 აბიტურიენტი ჩაერთო საქართველოს სხვადასხვა კუთხიდან.