მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ქუთაისის N4 საჯარო სკოლის გუნდმა, იმ ფორმსაჟორულ სიტუაციაში, რომლის წინაშეც პანდემიამ საქართველოს საგანმანათლებლო სისტემა დააყენა, ღირსეულად დაძლია. როგორ მოახერხეს ეს? - ერთმანეთის მხარში დგომით და მაღალი პროფესიონალიზმის დამსახურებით. არ იყო მარტივი, მორალურად ყოფილიყვნენ მედგრად და მოსწავლეებიც ისე გაემხნევებინათ, სწავლის მოტივაცია არ დაეკარგათ. იზა ხარატიშვილი ქუთაისის N4 საჯარო სკოლის პედაგოგი და ამ საოცარი გუნდის წევრი გახლავთ, რომელიც თავის გამოცდილებას და არაერთ საინტერესო მოსაზრებას ბლიც-ინტერვიუში გვიზიარებს.
- კოვიდ-პანდემიამ დაგვანახა...
- ტექნოლოგიების ცოდნის აუცილებლობა, გამოყენების საჭიროება, ერთმანეთის გაფრთხილება და გვერდით დგომა.
- ონლაინ-სწავლებამ გვასწავლა...
- მრავალფეროვანი ელექტრონული რესურსების მოძიება, შექმნა და გამოყენება.
- 2020 წელს დავახასიათებდი...
- ახალი გამოწვევების წლად.
- მასწავლებლებისგან ყველაზე ხშირად მიხარია...
- ერთგულება და მაღალი პროფესიონალიზმი საკუთარი საქმის მიმართ.
- მოსწავლეებისგან ყველაზე მეტად მიკვირს...
- პასიური ჩართულობა და ზოგჯერ, გულგრილობა საგაკვეთილო პროცესის მიმართ (განსაკუთრებით მაღალ კლასებში).
- მშობლებს ვურჩევდი...
- აქტიური მონაწილეობა მიიღონ შვილების საგანმანათლებლო პროცესში.
- ყველაზე ხშირად ვფიქრობ...
- უმჯობესია, ბავშვებმა განათლება მიიღონ საკლასო სივრცეში, დავუბრუნდეთ ჩვეული ცხოვრების წესს.