გურჯაანში 8 თვის ჩვილი, სავარაუდოდ, მშობლებს შორის ფიზიკური დაპირისპირებას ემსხვერპლა. ერთ-ერთი ვერსიით, ქალს ჩვილი ხელში ეკავა, რა დროსაც ქმარმა ფიზიკური შეურაცხყოფა მიაყენა.

ბავშვის ცხედარს ამ წუთებში სამედიცინო ექსპერტიზა უტარდება, რის შედეგადაც გახდება ცნობილი, კონკრეტულად რამ გამოიწვია მისი გარდაცვალება. ადგილობრივების ინფორმაციით, აღნიშნულ ოჯახში ცოლ-ქმარს შორის კონფლიქტი მუდმივად იყო.

შინაგან საქმეთა სამინისტროს ცნობით, ბავშვმა გონება დაკარგა და დაიღუპა. მათი ინფორმაციით, გამოძიება სისხლის სამართლის კოდექსის 126-ე პრიმა მუხლით მიმდინარეობს. კაცი დაკავებულია, მცირეწლოვანი ბავშვის გარდაცვალების მიზეზის დადგენის მიზნით კი დანიშნულია შესაბამისი ექსპერტიზები.