„ნუშების თოვლი“ - გაეცანით, ქვემო მაჩხაანის საჯარო სკოლის მე-8 კლასის მოსწავლის, თამუნა ჯანყარაშვილის ნამუშევარს
16-03-2021
დაკოპირებულია
-
+
სიღნაღის მუნიციპალიტეტის სოფელ ქვემო მაჩხაანის საჯარო სკოლის მე-8 კლასის მოსწავლე თამუნა ჯანყარაშვილი შემოქმედებითი ნიჭით გამოირჩევა. გთავაზობთ მის ნამუშევარს სახელწოდებით - „ნუშების თოვლი“.
ნუშების თოვლი
ერთ სოფელში ცხოვრობდა პატარა, მშვენიერი გოგონა. მას ძალიან უყვარდა ზამთარი. უხაროდა როდესაც ქათქათა ფიფქები ფარფატით ეფინებოდა მიწას, მაგრამ როგორც ყველა, მოუთმენლად ელოდა გაზაფხულის მოსვლას. გაზაფხულზე დედას ტყეში დაჰყავდა, რათა უფრო კარგად შეეცნო ბუნება. ერთ დღეს დედამ გოგონა წაიყვანა ისეთ ადგილას, სადაც ძალიან ბერი ნუშის ხე იდგა. აღფრთოვანებული ბავშვი ხეებს გარშემო უვლიდა, ნუშის ყვავილები კი თოვლივით ეყრებოდა ჩამოშლილ თმებზე. ეს დღე გოგონას გონებიდან არასდროს წაიშლება. ყოველ გაზაფხულზე დედა-შვილი მიდიოდა ამ ლამაზ ადგილას და ტკბებოდა ბუნების მშვენიერებით, დედა კი ცხოვრებისეულ ამბებს უყვებოდა გოგონას. ასე გადიოდა წლები.
რამდენიმე წლის შემდეგ გოგონას დედა გარდაეცვალა. ის ამ ყველაფერს ძალიან განიცდიდა. ხშირად მიდიოდა ნუშის ხეებთან, დიდხანს იჯდა ხის ქვეშ და თავის წარმოსახვაში ხედავდა დედას, რომელიც მას ისევ ყველაფერში ეხმარებოდა.
დიდი ხნის შემდეგ გაიზარდა გოგონა და სოფელში ჩამოვიდა თავის შვილთან ერთად. წაიყვანა ბავშვი ნუშის ხესთან და ყველაფერი უამბო. ბიჭი გაოცებული უსმენდა დედას. დედას კი ცრემლები ჩამოსდიოდა თვალებიდან. იდგა დედა-შვილი ნუშის ხეებთან. ნუშის ყვავილი კი ხიდან თოვლის ფიფქივით ეშვებოდა და ეფინებოდა ნაზამთრალ მიწას და თმებზე ეყრებოდა დედა-შვილს.