სიახლეები
სკოლები

ახალციხის N6 სკოლის მოსწავლეებმა საქართველო-ევროკავშირის სამომავლო ურთიერთობების შესახებ საკუთარი ხედვა წარმოადგინეს
30-03-2021
-
+


გასული წლის ოქტომბერში ახალციხის ახალციხის N6 საჯარო სკოლა მასპინძლობდა კავკასიის უნივერსიტეტის Erasmus+ ჟან მონეს პროექტს „ევროპული სწავლების სამკუთხედი“ (TEESS), რომლიც მიზნად ისახავს ევროპული სწავლების საუნივერსიტეტო გამოცდილების გაზიარებას დევნილებითა და ეთნიკური უმცირესობებითა დასახლებული რეგიონების სკოლების მოსწავლების, მშობლებისა და მასწავლებელთათვის ევროპული ინტეგრაციის, ასოცირების შეთანხმებისა და ღრმა და ყოვლისმომცველი თავისუფალი სავაჭრო სივრცის შეთანხმების შესახებ.

პროექტის ექსპერტები სკოლაში ჩატარებული ვორქშოფის ფარგლებში მსმენელებს ესაუბრნენ ევროპის კავშირის შექმნის, მისი მიზნებისა და ამოცანების, ევროპული ფასეულობების, ევროპის კავშირის გაფართოების, საქართველო-ევროპის კავშირის ურთიერთობის უმთავრესი მიღწევების შესახებ, ასოცირების შეთანხმებისა და ღრმა და ყოვლისმომცველი თავისუფალი სავაჭრო-ეკონომიკური სივრცის შესახებ შეთანხმების კონკრეტულ შედეგებზე საქართველოში - მართლმსაჯულების, შრომითი ურთიერთობების, ევროპული კავშირის ბაზარზე არსებული სტანდარტების დანერგვისა და სრულყოფის, სურსათის უვნებლობისა და სხვა მიმართულებებით; განიხილეს კულტურული მემკვიდრეობის საკითხები ასოცირების შეთანხმების კონტექსტში.

ვორქშოფის შემდეგ სკოლა აქტიურად ჩაერთო პრექტის ფარგლებში გამოცხადებულ მოსწავლეთა ესეების კონკურსსა და ამავე პროექტის ფარგლებში ისტორიისა და სამოქალაქო განათლების მსაწავლებლებისათვის მომზადებული დამხმარე სახელმძღვანელოს „ევროპული ასოცირების პროცესი საქართველოში“ პრაქტიკაში დანერგვის პროცესში. 
ზამთრის არდადეგებიდან დაბრუნების შემდეგ, სამოქალაქო განათლების პედაგოგი თამარ ჩაფიჩაძე და XI კლასის მოსწავლეები აქტიურ დისკუსიებს აწყობდნენ სახელმძღვანელოში განხილული საკითხების შესახებ: ევროკავშირის ფასეულობები, ევროკავშირში გაწევრიანების პირობები, ევროპის სამეზობლო პოლიტიკა, აღმოსავლეთ პრატინიორობის პროგრამა, ევროკავშირის დახმარებით განხორციელებული პროექტები და ახალი გამოწვევები საქართველოსათვის ევროპული ინტეგრაციის პროცესში.

29 მარტს მოსწავლეებმა მათე ნებაძემ, საბა გელაშვილმა, ლუკა ინასარიძემ, ნათია ზაზაძემ, გიორგი გეწძემ, სალომე ტაბატაძემ, ნინო ნეფარიძემ, თეკლა მანველიშვილმა წარმოადგინეს საინტერესო პრეზენტაციები და თავიანთი ხედვა საქართველო-ევროკავშირის სამომავლო ურთიერთობების შესახებ.

„ახალციხის N6 საჯარო სკოლა კვლავაც აქტიურად ჩაერთვება პროექტით გათვალისიწნებულ სხვა აქტივობებში. ამჯერად ველით მოსწავლეთა ესეების კონკურსის შედეგებს. წარმატებას ვუსრვებთ „ევროპული სწავლების სამკუთხედს“ და ჩვენს მოსწავლეებს“, - აღნიშნავს სკოლის  ისტორია/სამოქალაქო განათლების  პედაგოგი თამარ ჩაფიჩაძე.

იხილეთ ფოტოები:


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
მასწავლებლის მომზადების პროგრამაზე ჩარიცხულ 1422 პირს სახელმწიფო სასწავლო გრანტი მიენიჭება
„ძალიან დიდ ყურადღებას ვაქცევთ სხვადასხვა მნიშვნელოვან საკითხთან დაკავშირებით მოსწავლეთა ცნობიერების ამაღლებას“
რეგისტრაცია დაიწყო და 100 ლარი ღირს - NAEC ტესტირებას 10 აპრილს ჩაატარებს
გამარჯვებულები სიგელებით, დიპლომებითა და სპეციალური პრიზებით დაჯილდოვდებიან
ავტორიზირებული საჯარო და კერძო საბავშვო ბაღების სია ცნობილია
პიროვნება
სკოლები
საბა ცაბაძე თავისუფალი უნივერსიტეტის, ხოლო ქრისტინე გოგოლიძე კავკასიის უნივერსიტეტის წარმატებული სტუდენტია
დიდი ჭყონის N2 საჯარო სკოლაში გაზაფხულის დღესასწაულები ემოციური ღონისძიებით აღნიშნეს
საერთაშორისო ღონისძიებები, პრაქტიკული და ვიზუალური სწავლების უპირატესობა - გაეცანით ქუთაისის N45 საჯარო სკოლის მოსწავლეების აქტიურ სასკოლო ცხოვრებას
მოსწავლეებმა აკუთარი ხელებით შექმნეს ფერადი სამაჯურები, რომელზეც სიმბოლურად გამოხატული იყო ფერადი წინდები
„ძალიან დიდ ყურადღებას ვაქცევთ სხვადასხვა მნიშვნელოვან საკითხთან დაკავშირებით მოსწავლეთა ცნობიერების ამაღლებას“
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება