„ჩვენს სკოლაში მოსულ პატარებს დახვდებათ მოსიყვარულე, კომპეტენტური, თბილი მასწავლებლები“ - რატომ უნდა აირჩიოთ თბილისის N103 სკოლა
30-03-2021
დაკოპირებულია
-
+
თბილისის N103 საჯარო სკოლა 2021-2022 სასწავლო წლისთვის პირველკლასელთა მისაღებად ემზადება.
რატომ უნდა აირჩიოთ თბილისის N103 სკოლა? - etaloni.ge სასწავლო დაწესებულების წერილს გთავაზობთ:
„ჩვეულებისამებრ, დიდი გულმოდგინებით ემზადება ახალ სასწავლო წელს პირველკლასელთა მისაღებად.
ჩვენს სკოლაში მოსულ პატარებს დახვდებათ თანამედროვე სტანდარტებზე მორგებული, შეზღუდული შესაძლებლობის პირებზე ორიენტირებული ულამაზესი შენობა, უსაფრთხო გარემო, მოსიყვარულე, კომპეტენტური, თბილი მასწავლებლები, დირექცია და სკოლის თანამშრომლები, რომლებიც იზრუნებენ, რომ მათ მიიღონ სრულფასოვანი განათლება; თავი იგრძნონ მშობლიურ გარემოში; მათთვის სასწავლო პროცესი იყოს სახალისო, საკლასო გარემო - ბედნიერი; მათ ექნებათ შესაძლებლობა, სურვილისამებრ, ჩაებან სპორტულ და სახელოვნებო წრეებსა და სასკოლო კლუბებში; მიიღონ არა მხოლოდ აკადემიური ცოდნა, ასევე ეზიარონ მაღალ მორალურ და ზნეობრივ ღირებულებებს; ჩამოყალიბდნენ პატრიოტ და ღირსეულ პიროვნებებად“, - ნათქვამია სკოლის წერილში.
მოსწავლეების თვალი დანახული წელიწადის ყველაზე ფერადი სეზონი და საინტერესო გამოფენა - დღე, რომელიც მოსწავლეებისთვის ძალიან საინტერესო და დასამახსოვრებელი აღმოჩნდა