„ელექტრონული ჟურნალი ძალიან კომფორტულია მშობლებისა და მასწავლებლებისთვის“ - კიზილქილისის საჯარო სკოლის დირექტორი
30-03-2021
დაკოპირებულია
-
+
წალკის მუნიციპალიტეტის სოფელ კიზილქილისის საჯარო სკოლის დირექტორი აზნივ ვოსკანიანი ელექტრონული ჟურნალის უპირატესობებზე გვესაუბრა და აღნიშნა, რომ იგი ძალიან კომფორტულია მშობლებისთვის, რადგან მათ ყოვლედღიურ რეჟიმში შეუძლიათ მათი შვილების აკადემიური მოსწრების ნახვა.
„გადავედით ელექტრონულ ჟურნალზე, ძალიან მომწონს, რადგანაც ძალიან კომფორტულია, მშობლები ადევნებენ თვალს შვილების მონაცემებს და ნიშნებს. ასევე, ადრე თუ ყოვნდებოდა მატერიალური ჟურნალის შევსება, ახლა, დღის ბოლოს აბსოლუტურად ყველა ავსებს და შეგვაქვს ნიშნები, რომელსაც თვითონ პროგრამა აჯამებს ავტომატურად. ეს ყველაფერი მასწავლებლებისთვისაც ძალიან კომფორტულია. ჟურნალს თვალს ადევნებს სამინისტროც, ამიტომ ვფიქრობ, რომ ძალიან კარგი იდეაა“, - აცხადებს აზნივ ვოსკანიანი.