სიახლეები
პიროვნება

„პრაქტიკამ გვაჩვენა, რომ ელექტრონული პლატფორმა ძალიან კომფორტულია“- სკოლების დირექტორები ელექტრონული ჟურნალის დანერგვას აფასებენ
30-03-2021
-
+


2021-2022 სასწავლო წლიდან სკოლებში მატერიალურს ელექტრონული ჟურნალი ჩაანაცვლებს - ეს ოფიციალურ დოკუმენტშია გაწერილი, თუმცა საინტერესო ისაა, როგორ ხვდებიან სხვადასხვა სკოლის ხელმძღვანელები ამ სიახლეს.

როგორ შეაფასებდით ელექტრონული ჟურნალის წარმოების სავალდებულო დანერგვას? რამდენად მარტივად ახერხებენ მასში მასწავლებლები მუშაობას და რამდენად ხშირად საჭიროებენ დახმარებას აღნიშნულ პროცესში? - ამ კითხვებით, Etaloni.ge-მ სკოლების დირექტორებს მიმართა:

ლეილი ამირშადიანი, ნინოწმინდის მუნიციპალიტეტის, საღამოს საჯარო სკოლის დირექტორი:

- თავიდან, ელექტრონული ჟურნალის დამკვიდრებას სასკოლო საზოგადოება თითქოს სკეპტიკურად შეხვდა, თუმცა პრაქტიკამ გვაჩვენა, რომ ელექტრონული პლატფორმა ძალიან კომფორტულია და პედაგოგებმაც მალევე აუღეს ალღო. ასე რომ, მოგვწონს მისი სპეციფიკა და მუშაობისას არანაირი პრობლემა არ გვექმნება.

ანტეი ტერსენოვი, წალკის მუნიციპალიტეტის, წინწყაროს საჯარო სკოლის დირექტორი:

- ელექტრონული ჟურნალი ჩვენს სკოლაში უკვე დანერგილია და მიუხედავად იმისა, პარალელურად, მატერიალურ ჟურნალსაც ვაწარმოებთ, ელექტრონულ პლატფორმაზე მუშაობა ბევრად კომფორტულია. მასწავლებლებმა იოლად აუღეს ალღო და ამ სიახლეს მხოლოდ მივესალმებით.

მამედ პირიევი, მარნეულის მუნიციპალიტეტის, ზემო სარალის საჯარო სკოლის დირექტორი:

- ჯერჯერობით, შეფასება - რამდენად მარტივია ელექტრონულ ჟურნალში მუშაობა - ცოტა მიჭირს. საბოლოოდ რომ ვიცით, რომ სექტემბრიდან მატერიალური ჟურნალი აღარ იქნება და საბოლოოდ რომ გადავალთ ელექტრონულ პლატფორმაზე, ამის შემდეგ შეგვეძლება უფრო კონკრეტული შეფასებების გაკეთება.

არშალუის პოლოიანი, ნინოწმინდის მუნიციპალიტეტის, ტამბოვკის საჯარო სკოლის დირექტორი:

- დისტანციურმა სწავლებამ არაერთ წინააღმდეგობასთან გამკლავება გვასწავლა და ელექტრონულ ჟურნალსაც, ჩვენმა პედაგოგებმა მარტივად აუღეს ალღო, თუმცა ინტერნეტკავშირის პრობლემა გვაქვს და ამის გამო გარკვეულ პრობლემას ვაწყდებით, გვაქვს ხარვეზებიც, თუმცა იმედია, მალე ეს საკითხიც გამოსწორდება.

აზარ გეიდაროვი, წალკის მუნიციპალიტეტის, თეჯისის საჯარო სკოლის დირექტორი:

- სკოლაში ორივე სახის ჟურნალს ვაწარმოებთ, მატერიალურსაც და ელექტრონულსაც, თუმცა ამ უკანასკნელში მუშაობა ბევრად კომფორტულია. არანაირი სირთულე არ გვაქვს და იმედია, ახალი სასწავლო წლიდანაც ასეთივე შემართებით, ხარვეზების გარეშე შევძლებთ მუშაობას.

ჯუმშუდ გულმამედოვი, არიფ ალიევის სახელობის, ბოლნისის მუნიციპალიტეტის, ტალავერის N1 საჯარო სკოლის დირექტორი:

- თავიდან, როდესაც ელექტრონული ჟურნალის დანერგვა გადაწყდა, გვქონდა გარკვეული სირთულეები, რომლებიც ინტერნეტკავშირის ხარვეზებმა განაპირობა, თუმცა ახლა ყველა წინააღმდეგობა დაძლეულია და მინდა გითხრათ, ჩვენი სკოლა სრულად ელექტრონული ჟურნალის წარმოებაზეა გადასული.


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
მასწავლებლის მომზადების პროგრამაზე ჩარიცხულ 1422 პირს სახელმწიფო სასწავლო გრანტი მიენიჭება
რეგისტრაცია დაიწყო და 100 ლარი ღირს - NAEC ტესტირებას 10 აპრილს ჩაატარებს
გამარჯვებულები სიგელებით, დიპლომებითა და სპეციალური პრიზებით დაჯილდოვდებიან
ავტორიზირებული საჯარო და კერძო საბავშვო ბაღების სია ცნობილია
მასწავლებლების გამოცდაზე რეგისტრაცია აპრილის პირველ ნახევარში დაიწყება - NAEC
პიროვნება
„ვფიქრობ მოსწავლეები დამახასიათებენ მეგობრულ, საყვარელ, სამართლიან მასწავლებლად“
სკოლები
მოსწავლეები სახალისო აქტივობებშიც ჩაერთნენ და გააფერადეს და დახატეს თემატური ნამუშევრები
მასწავლებელმა ისაუბრა ქართული ჯარის სიძლიერეზე, მოქალაქეობრივ ვალზე
ბავშვებმა კოლეჯის ინფრასტრუქტურა დაათვალიერეს და სასწავლო პროგრამებს გაეცნენ
მოსწავლეებმა, წარმატებით დაძლიეს სასკოლო რაუნდის ბარიერი და ეროვნული რაუნდში ასპარეზობის უფლება მოიპოვეს, რომელიც 16 ივნისს, თბილისში, თავისუფალ უნივერსიტეტში ჩატარდება
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება