„მშობლებს ვურჩევდი, დააფასონ სკოლისა და პედაგოგის შრომა“ - თბილისის N128 სკოლის დირექტორი გულნაზი ხორბალაძე
31-03-2021
დაკოპირებულია
-
+
რა გამოწვევების წინაშე დააყენა კოვიდ-პანდემიამ და რა ასწავლა ონლაინ სწავლებამ; როგორ დაახასიათებდა 2020 წელს და რაზე ფიქრობს ყველაზე ხშირად - ამ და სხვა საკითხებზე etaloni.ge თბილისის N128 საჯარო სკოლის დირექტორის, გულნაზი ხორბალაძის ბლიც-ინტერვიუს გთავაზობთ:
- კოვიდ-პანდემიამ დაგვანახა...
- პირველ რიგში ის, რომ მთავარია უსაფრთხოება, რეგულაციების დაცვა; რომ პანდემიის პირობებში, შესაძლებელია, სკოლის ფუნქციონირება.
- ონლაინ სწავლებამ გვასწავლა...
- რთულ სიტუაციებთან შეჭიდება, გამკლავება, პრობლემების სწრაფად იდენტიფიცირება და მათი გადაჭრის გზების დასახვა. სხვაგვარად შეუძლებელი იქნებოდა 1 200-ბავშვიანი სკოლის ამოქმედება, სამოქმედო გეგმის შემუშავება, ახალი ტექნოლოგიების დაუფლება.
- როცა გაკვეთილზე ვესწრები და ვხედავ მოსწავლეების აქტიურ ჩართულობას, მიზანდასახულობას, პროდუქტიულობას; როცა ბავშვებს არ სურთ ზარი დაირეკოს; როცა მასწავლებელი აკადემიურ შედეგებზე გადის და კარგ პიროვნებებს ზრდის.
- მოსწავლეებისგან ყველაზე მეტად მიკვირს...
- მათი გაუცხოება. ერთწლიანმა ონლაინ სწავლების რეჟიმმა შეცვალა ბავშვების მენტალობა. ისინი საკუთარ ნაჭუჭში მოექცნენ. გაჩნდა ურთიერთობის დეფიციტი. მოსწავლეთა ერთ ნაწილს გაუჩნდა კომუნიკაციის პრობლემა.
- მშობლებს ვურჩევდი...
- ვიდრე განსჯიდნენ, მოუსმინონ მოზარდს, გაიგონ მისი პრობლემა და დაეხმარონ პრობლემის გადაჭრაში; დააფასონ სკოლისა და პედაგოგის შრომა.
- ყველაზე ხშირად ვფიქრობ...
- თუ როგორი დიდი სიკეთის მომტანია საკლასო ოთახებში სწავლის განხორციელება. დიდი სურვილი მაქვს, 15 ივნისამდე სკოლამ შეძლოს დასწრებული სწავლების რეჟიმში მუშაობა და დასახული მიზნების წარმატებით შესრულება.