გორისციხის საჯარო სკოლაში დაუნის სინდრომის მსოფლიო დღეს პლაკატები და კედლის გაზეთი მიუძღვნეს
31-03-2021
დაკოპირებულია
-
+
ყაზბეგის მუნიციპალიტეტის სოფელ გორისციხის საჯარო სკოლაში, დაუნის სინდრომის მსოფლიო დღესთან დაკავშირებით, კვირეული გაიმართა.
სკოლის ინფორმაციით, კვირეულის ფარგლებში, მოსწავლეებმა პლაკატები და კედლის გაზეთი შექმნეს.
მათ ასევე ჭრელი წინდებით გადაიღეს ფოტოები და ამით პატივისცემა და სოლიდარობა გამოხატეს დაუნის სინდრომის მქონე პირების მიმართ.
კვირეულის ორგანიზატორმა, გულიკო ელოშვილმა მოსწავლეთა ცნობიერების ამაღლების მიზნით გამართულ ღონისძიებაზე, დაუნის სინდრომის შესახებ ისაუბრა.
„ვფიქრობ, ადამიანების ცნობიერების ამაღლებაზე ზრუნვა სკოლიდან უნდა დავიწყოთ. ამიტომ, გორისციხის საჯარო სკოლა საგანმანათლებლო საქმიანობასთან ერთად, მუდმივად მართავს სხვადასხვა სამუშაო-საინფორმაციო შეხვედრებს.
დღეს, ჩვენ საზოგადოებას კიდევ ერთხელ შევახსენებთ, რომ დაუნის სინდრომის მქონე პირები, საზოგადოების სრულფასოვანი წევრები არიან და მათ განვითარებისთვის მხარდაჭერა და სიყვარული სჭირდებათ“, - განაცხადა გულიკო ელოშვილმა.