„მომავალ თაობას სჭირდება გააცნობიეროს, რომ უფლება და მოვალეობა ერთი მედლის ორი მხარეა“ - რუსთავის N23 სკოლის დირექტორი მზია კიწმარიშვილი
31-03-2021
დაკოპირებულია
-
+
რა არის სკოლა? რა სჭირდება მომავალ თაობას? რას ახსენებს საკუთარ თავს ყველაზე ხშირად? - ამ და სხვა საინტერესო კითხვაზე etaloni.ge-ს ვაჟა-ფშაველას სახელობის რუსთავის N23 საჯარო სკოლის დირექტორი მზია კიწმარიშვილი პასუხობს:
- სკოლა არის… - სასწავლო სააღმზრდელო დაწესებულება.
- ცოდნა გვანიჭებს… - უნარს შევიგრძნოთ სამყაროს მრავალფეროვნება.
- მომავალ თაობას სჭირდება… - გააცნობიეროს, რომ უფლება და მოვალეობა ერთი მედლის ორი მხარეა.
- როდესაც მოსწავლე ვიყავი… - ვიცოდი, რომ ერთხელაც სწორ ადგილას სწორი დრო დადგებოდა.
- დირექტორობა მეხმარება… - გავაცნობიერო, რომ მოთმინება, ზომიერების გრძნობა და დუმილის უნარი ადამიანის ყველაზე ფასეული უნარებია.
- საკუთარ თავს ხშირად ვახსენებ… - რომ სიტყვა „შეუძლებელი“ მხოლოდ სულელების ლექსიკონშია. (ნაპოლეონი)
- წარმატებისთვის აუცილებელია… - გახსოვდეს, რომ დასახულ მიზანს ყოველთვის ვერ მიაღწევ, მაგრამ ცდა ყოველთვის ღირს!