ტყიბულის N6 სკოლაში დაუნის სინდრომის მსოფლიო დღეს პრეზენტაციები, დისკუსიები და გამოფენა მიუძღვნეს
ტყიბულის N6 საჯარო სკოლაში დაუნის სინდრომის მსოფლიო დღეს მრავალფეროვანი ღონისძიებები მიუძღვნეს.სკოლის ინფორმაციით, მოსწავლეებმა საზოგადოებას გზავნილი - „ჩვენ არ ვითვლით ქრომოსომებს“ გაუგზავნეს.
„ეს დღე ბიოლოგიის პედაგოგ ლელა სილაკაძის ხელმძღვანელობით აღინიშნა.
სხვადასხვა კლასის მოსწავლეებმა პრეზენტაციები წარადგინეს; დისკუსიები გამართეს და თავიანთი ნამუშევრების გამოფენა მოაწყეს.
აქტივობის ძირითად მიზანს წარმოადგენდა, სასკოლო საზოგადოების ცნობიერების ამაღლება.
დაუნის სინდრომი არ არის დაავადება, ის გენეტიკური ცვლილებაა და არა მემკვიდრეობა“, - ნათქვამია სკოლის ინფორმაციაში.
იხილეთ ფოტოები: