„ო ენავ ჩემო“ - ვერტყვიჭალის საჯარო სკოლაში ქართული ენის კვირეული გრძელდება
14-04-2021
დაკოპირებულია
-
+
ხარაგაულის მუნიციპალიტეტის ვერტყვიჭალის სკოლაში ქართული ენის კვირეული გრძელდება.
სკოლის მიერ მოწოდებული ინფორმაციის მიხედვით, მეხუთე კლასის მოსწავლეებმა ლიტერატრული - მუსიკალური ღონისძიება „ო ენავ ჩემო“ ჩაატარეს. ღონისძიების ორგანიზატორი მასწავლებელი ქეთევან ღონღაძე, მაია ღარიშვილი, მარინა შველიძე.
1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.
საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.