მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
„ო, ენავ ჩემო, დედაო ენავ!“ - დედაენის დღესთან დაკავშირებით, შუახევის მუნიციპალიტეტის, ცინარეთის საჯარო სკოლაში ნამდვილი დღესასწაული მოეწყო, რომლის მთავარი გმირები მოსწავლეები და მასწავლებლები იყვნენ, ღონისძიება კი პედაგოგის - მზისიდარ ბერიძის ხელმძღვანელობით გაიმართა. ეს კი კიდევ ერთი დასტურია იმისა, რომ ცინარეთის საჯარო სკოლის ერთმუშტად შეკრული, პროფესიონალი გუნდის დამსახურებით, მოსწავლეებს უყვართ სწავლა და მშობლიური ენა.
„სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება. თუ ამათ არ ვუპატრონეთ, რა კაცები ვიქნებით, რა პასუხს გავსცემთ შთამომავლობას?“ - 14 აპრილს საქართველოში დედაენის დღე აღინიშნება და ის 1978 წლის მოვლენების აღსანიშნავად, 1990 წლიდან დაწესდა.1978 წელს საბჭოთა კავშირის ხელისუფლებამ გადაწყვიტა მოკავშირე რესპუბლიკებში ადგილობრივი ენისთვის სახელმწიფო ენის სტატუსის ჩამორთმევა; თუმცა, ამ განზრახვის სისრულეში მოყვანას წინ აღუდგა მთელი საქართველოს მოსახლეობა. თბილისში მოეწყო მასობრივი გამოსვლები და მსვლელობა თსუ-დან უმაღლესი საბჭოს შენობისაკენ. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო — სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.
„ყველა მოსწავლესა და სრულიად საქართველოს, გულითადად ვულოცავთ დედაენის დღეს და ვუსურვებთ სრულიად საქართველოს სახელმწიფო ენის დაცვას. ცინარეთის საჯარო სკოლის დირექცია და პედაგოგიური კოლექტივი მადლობას უხდის ღონისძიების ხელმძღვანელ მზისადარ ბერიძესა და მოსწავლეებს ღონისძიების ჩატარებისათვის“, - აღნიშნულია ცინარეთის საჯარო სკოლის მეირ გავრცელებულ ინფორმაციაში.
იხილეთ ფოტოები