წყაროთის საჯარო სკოლის დაწყებითი კლასის მოსწავლეებმა 9 აპრილს პროექტი მიუძღვნეს
16-04-2021
დაკოპირებულია
-
+
შუახევის მუნიციპალიტეტის სოფელ წყაროთის საჯარო სკოლაში 9 აპრილის დღესთან დაკავშირებით პროექტი გაიმართა.
სკოლის მიერ მოწოდებული ინფორმაციის მიხედვით, წყაროთის საჯარო სკოლის მე-3 და მე-4 კლასის მოსწავლეებმა ეროვნული მნიშვნელობის მქონე დღის გასახსენებლად „მე და საზოგადოების“ გაკვეთილზე პროექტი წარმოადგინეს. მოსწავლეებმა ისაუბრეს საქართველოს უახლესი ისტორიის შესახებ და გაეცნენ მნიშვნელოვან ფაქტებსა და მოვლენებს.
1989 წლის 9 აპრილს, თბილისში მომხდარი სისხლიანი მოვლენები, რაც გამოიხატა საბჭოთა არმიის მიერ ანტისაბჭოთა, საქართველოს დამოუკიდებლობის მოთხოვნით მოწყობილი მშვიდობიანი დემონსტრაციის დარბევაში, რის შედეგადაც დაიღუპა 21 და დაშავდა 427 ადამიანი. 9 აპრილის მოვლენებმა წყალგამყოფის როლი შეასრულა საქართველოს ეროვნულ-განმათავისუფლებელ მოძრაობაში.