მესტიის მუნიციპალიტეტის სოფელ ლახამულას საჯარო სკოლაში დედაენის დღე საზეიმოდ აღნიშნეს.

სკოლის მიერ მოწოდებული ინფორმაციის მიხედვით, მოსწავლეებმა შექმნეს კედლის გაზეთი, წაიკითხეს ლექსები და ქართული ენის დღის დაარსების ისტორიაზე და მნიშვნელობაზე ისაუბრეს. ზეიმის ინიციატორი იყო მანანა კვირიკაძე.

„ქართული ენის ზეიმი საგულდაგულოდ მოწყობილ დარბაზში გაიმართა. ოქროსფერ თასმებზე ასხმული ანბანი, ლამაზად გაფორმებული კედლის გაზეთები დარბაზსს განსაკუთრებულ იერს სძენდა. მოსწავლეებმა ქართული სულით გამთბარი საუკეთესო პოეტების საუკეთესო ლექსები წაიკითხეს დედაენაზე და მოისმინეს სიტყვაქარგული ქართულით წარმოთქმული ქართული ენა-ლიტერატუტის მასწავლებლის ნაზი საბანიძის სიტყვა“, - აღნიშნულია მოწოდებულ ინფორმაციაში.

იხილეთ ფოტოები: