მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
გარდაბნის N3 საჯარო სკოლა სასწავლო პროცესი სრული დატვირთვით - აქტიურად და რა თქმა უნდა არსებული რეგულაციების ზედმიწევნით დაცვით მიმდინარეობს. სკოლის ერთმუშტად შეკრული, პროფესიონალი გუნდი კი მუდმივად ზრუნავს მოსწავლეთა მოტივაციასა და განვითარებაზე.
გარდაბნის N3 საჯარო სკოლაში, წიგნიერების კლუბის ინიციატივით, რომლის ხელმძღვანელიც ქეთევან სოხაძე გახლავთ, ქართული ენის კვირეული დაიწყო და მოსწავლეებმა არაერთ კონკურსში მიიღეს მონაწილეობა: ისინი ერთმანეთს შეეჯიბრნენ გაზეთის აწყობაში, კალიგრაფიაში, მხატვრულ კითხვაში და საუკეთესოები, საუკეთესოთა შორის სიგელებით დააჯილდოვეს.
„სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება. თუ ამათ არ ვუპატრონეთ, რა კაცები ვიქნებით, რა პასუხს გავსცემთ შთამომავლობას?“ - 14 აპრილს საქართველოში დედაენის დღე აღინიშნება და ის 1978 წლის მოვლენების აღსანიშნავად, 1990 წლიდან დაწესდა.1978 წელს საბჭოთა კავშირის ხელისუფლებამ გადაწყვიტა მოკავშირე რესპუბლიკებში ადგილობრივი ენისთვის სახელმწიფო ენის სტატუსის ჩამორთმევა; თუმცა, ამ განზრახვის სისრულეში მოყვანას წინ აღუდგა მთელი საქართველოს მოსახლეობა. თბილისში მოეწყო მასობრივი გამოსვლები და მსვლელობა თსუ-დან უმაღლესი საბჭოს შენობისაკენ. საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო — სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.
იხილეთ ფოტოები