მოვაჭრეების ნაწილის ინფორმაციით, ე.წ. დეზერტირების ბაზრის ტერიტორიაზე ხანძარი შესაძლოა, მაცივრის გაუმართაობას გამოეწვია
17.07.2017

თვითმხილველთა განცხადებით, ცეცხლი სწრაფად გავრცელდა
მოვაჭრეების ნაწილის ინფორმაციით, ე.წ. დეზერტირების ბაზრის ტერიტორიაზე ხანძარი შესაძლოა, ერთ-ერთ საწყობში არსებული მაცივრის გაუმართაობას გამოეწვია. 

აღნიშნული ვერსია ჟურნალისტებთან საუბრისას დიდუბის გამგებელმა, ირმა ზავრადაშვილმაც გააჟღერა.

ამასთან, დიდუბის რაიონის გამგებლის ინფორმაციით, ბაზრის საწყობებში ცეცხლი 200 კვ.მ ფართობზე გავრცელდა. 

მისივე თქმით, საგანგებო სიტუაციების მართვის სამსახურში შეტყობინება 15.15 საათზე შევიდა, ნახევარ საათში კი ხანძრის ლოკალიზაცია მოხდა. 

„ცეცხლი, სავარაუდოდ მაცივრიდან გავრცელდა, ზარალი უცნობია“, - განაცხადა გამგებელმა.

მისივე თქმით, უსაფრთხოების სამსახურის მიერ ბაზრობებზე პრევენციული შემოწმებები პერიოდულად ტარდება. როგორც ზავრადაშვილმა აღნიშნა, გამგეობა უახლოეს პერიოდში ბაზრის მეპატრონეებთან შეხვედრას გეგმავს, „რომლის დროსაც შემოწმების აქტების გადახედვა იგეგმება“.

„ნამდვილად ცუდი ფაქტებია, ნამდვილად ვწუხვარ ამის გამო, რაც დღეს მოხდა, თუმცა მსხვეპლი არ არის. სასწრაფო და სახანძრო ბრიგადები აქ არიან. 
ბრალეულობა გამოიკვეთოს და ზარალის ანაზღაურებაზე შემდეგ იქნება საუბარი“, - განაცხადა დიდუბის გამგებელმა. 

„დეზერტირების ბაზრის“ საწყობებში ამ წუთებში ხანძრის ბოლო კერების ჩაქრობა ხდება. ადგილზე სამაშველო, სასწრაფო დახმარების ბრიგადები ამ დრომდე მუშაობენ. ტეროტორია საპატრულო პოლიციის მიერ გადაკეტილია. 

თვითმხილველთა განცხადებით, ცეცხლი სწრაფად გავრცელდა. 


კომენტარები


სხვა სიახლეები
ორშ, 20 ნოემბერი 2017
19:29