მცხეთის მუნიციპალიტეტის, ძველი ქანდის საჯარო სკოლაში სწავლა-სწავლების პროცესი აქტიურად და რა თქმა უნდა, არსებული პროტოკოლის ზედმიწევნით დაცვით მიმდინარეობს. მოსწავლეები ჩართულები არიან საგაკვეთილო პროცესში და სხვადასხვა სასკოლო აქტივობაში, რაც მათ განვითარებასა თუ მოტივაციაზე მხოლოდ დადებითად აისახება.

ბავშვები ასევე მონაწილეობენ არაფორმალური განათლების პროექტებში და ამის დასტურია დედამიწის დაცვის საერთაშორისო დღისადმი მიძღვნილი კონკურსი, სადაც საკუთარი ნამუშევრები წარმოადგინეს.

„შექმენი ეკოგმირი“ - ასე ერქვა კონკურსს, სადაც ძველი ქანდის საჯარო სკოლელებმა თავი გამოიჩინეს და საკუთარი ხელით შექმნილი ეკოგმირებით, კიდევ ერთხელ შეგვახსენეს ჩვენ - დედამიწელებს, რომ „ჩვენს სახლს“ გაფრთხილება სჭირდება.