„ჩვენი ენა ქართული“ - ცხუნკურის N1 საჯარო სკოლაში დედაენის დღისადმი მიძღვნილი პროექტი ჩატარდა
19-04-2021
დაკოპირებულია
-
+
წყალტუბოს მუნიციპალიტეტის სოფელ ცხუნკურის N1 საჯარო სკოლაში დედაენის დღისადმი მიძღვნილი პროექტი ჩატარდა.
„ცხუნკურის N1 საჯარო სკოლის V-XI კლასებში, მიმდინარე წლის 14 -16 აპრილის ჩათვლით ჩატარდა დედა ენის დღისადმი მიძღვნილი პროექტი სახელწოდებით: „ჩვენი ენა ქართული“. პროექტის ხელმძღვანელი იყო ქართული ენისა და ლიტერატურის მასწავლებელი ლია ქობალია.
მოსწავლეებმა შექმნეს კედლის გაზეთი, გაიმართა ვიქტორინა „ვინ უკეთ იცის ქართული ენა“. ასევე, ჩატარდა კონკურსი მხატვრულ კითხვაში. მხატვრულ კითხვაში გამარჯვებულ მე-8 კლასის მოსწავლეს, სულამით ჯიქიძეს, მასწავლებელმა ლია ქობალიამ გადასცა წიგნი“, - აღნიშნულია სკოლის მიერ მოწოდებულ ინფორმაციაში.