წიგნიერების დონის ამაღლების მიზნით, ახალციხის მუნიციპალიტეტის სოფელ ჭვინთის საჯარო სკოლის ლიტერატურული კლუბის „ახალგაზრდა მკითხველების“ სამუშაო შეხვედრა გაიმართა თემაზე -  „თუ ბიჭი ხარ, შეიყვარე ამისთანა მასწავლებელი!“. 

ღონისძიება კოვიდრეგულაციების სრული დაცვით ჩატარდა.

შეხვედრაზე განხილული იყო ჯემალ ქარჩხაძის მოთხრობა -„სასწაული“. მოსწავლეებმა გამოკვეთეს ტექსტში არსებული მნიშვნელოვანი საკითხები, გააანალიზეს  ნაწარმოები და ისაუბრეს მის მთავარ სათქმელზე.

მოწვეულ სტუმრებთან ერთად გაიმართა დისკუსია მოსწავლეებისა და მასწავლებლების ურთიერთობის შესახებ, გამოითქვა მოსაზრებები ძველ და თანამედროვე მიდგომებზე.

შეხვედრას ესწრებოდნენ სკოლის დირექტორი და პედაგოგები. სამუშაო შეხვედრას ხელმძღვანელობდა მაია კოპაძე. 

იხილეთ ფოტო