მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
გორის მუნიციპალიტეტის სოფელ არბოს საჯარო სკოლაში 9 აპრილის ტრაგიკული მოვლენები გაიხსენეს.
სკოლის მოსწავლეებმა და მასწავლებლებმა 9 აპრილს დაღუპულ გმირებს წუთიერი დუმილით პატივი მიაგეს.
„არის წელიწადში ერთი ყველაზე ტრაგიკული და ამავე დროს, ბედნიერი დღე - 9 აპრილი. დღე, როცა ბევრი ადამიანი შეეწირა ტოტალიტარიზმსა და საბჭოთა რუსეთის მოქმედებებს, დღე - როცა საქართველომ, საბჭოთა ცხოვრებით შეცვლილმა, მრავალჭირ და რეპრესიაგადატანილმა, ძმათა დაპირისპირებით თუ მტრის მოგერიებით დაღლილმა, მოიპოვა ყველაზე მნიშვნელოვანი, რაც შეიძლება ჰქონდეს ქვეყანას, რომ ის სახელმწიფოდ იქცეს - დამოუკიდებლობა“,-აღნიშნულია სკოლის ინფორმაციაში.
წელს, 1989 წლის 9 აპრილის ტრაგედიიდან 32 წელი შესრულდა.
32 წლის წინ, 1989 წლის 9 აპრილს, თბილისის ცენტრში, პარლამენტის შენობასთან, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია საბჭოთა არმიამ დაარბია. შეტაკების შედეგად, 21 ადამიანი დაიღუპა, ასობით მოქალაქე კი დაუდგენელი გაზით მოიწამლა.
2 წლის თავზე, 1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.
იხილეთ ფოტოები