ყაზბეგის მუნიციპალიტეტის სოფელ გუდაურის საჯარო სკოლის მე-5 კლასში პროექტი „თოჯინების თეატრი“ განხორციელდა. 

მოსწავლეებმა ხელოვნების მასწავლებლის, მარინე ბურდულის ხელმძღვანელობით ააწყვეს თოჯინების თეატრი, იმუშავეს თითოეული პერსონაჟისა შექმნასა და ფონზე, რის შემდგომაც წარმოადგინეს ზღაპარი „კომბლე“. 

პროექტის ფარგლებში მოსწავლეებმა „კომბლე“ წარმოადგინეს Power point-ის საპრეზენტაციო ფორმატითაც.
 
ინფორმაციულ-საკომუნიკაციო ტექნოლოგიების მასწავლებელმა, ცისანა ქვრივიშვილმა პროექტის მიმდინარეობისას მოსწავლეებს აჩვენა ზღაპრისა და სპექტაკლის რამდენიმე ვერსია და დაავალა მათ, საკუთარი ინსპირაციით შეექმნათ ზღაპრის პრეზენტაცია.

მოსწავლეებმა წარმატებით გაართვეს თავი დავალებას და საკმაოდ სახალისო პრეზენტაცია გამართეს.
 
„ხელოვნებისა და ისტ-ის ინტეგრირებული პროექტი ძალიან საინტერესო და შემეცნებითი გამოდგა მოსწავლეებისათვის,“ - აღნიშნულია სკოლის მიერ  მოწოდებულ  ინფორმაციაში.

იხილეთ მოსწავლეთა პრეზენტაცია ბმულზე

იხილეთ ფოტოები