ხონის N2 სკოლაში კალათბურთის შეჯიბრში გამარჯვებული გუნდი გამოვლინდა - შიდასასკოლო სპორტული ოლიმპიადა გრძელდება
20-04-2021
დაკოპირებულია
-
+
ხონის N2 საჯარო სკოლა შიდა სასკოლო სპორტული ოლიმპიადა 2021 მიმდინარეობს.
სკოლის მიერ მოწოდებული ინფორმაციის მიხედვით, ჩემპიონატი 2020 წელს დაიწყო, თუმცა პანდემიის გამო დროებით შეჩერებული იყო. ახალა კი რეგულაციების დაცვით განახლდა.
„ფინალური შეხვედრა გაიმართა კალათბურთში (5X5). ერთმანეთს შეხვდა მე-12 კლასელთა და სკოლის მასწავლებლების, პერსონალისა და მანდატურისგან შემდგარი გუნდები. შეჯიბრს მსაჯობდა მე-11 კლასის მოსწავლე ქრისტინე გიორბელიძე. საკმაოდ დაძაბული მატჩი დასრულდა მე-12 კლასელთა გამარჯვებით ანგარიშით 18:17.
გამარჯვებულ გუნდს გადაეცა გარდამავალი თასი და სიგელი. საუკეთესო მოთამაშედ დასახელდა და სიგელით დაჯილდოვდა დავით ფუტკარაძე, მაყურებელთა სიმპატიად დასახელდა და სიგელით დაჯილდოვდა სკოლის მატერიალური და ტექნიკური უზრუნველყოფის კოორდინატორი გიორგი კაკაბაძე, ყველაზე აქტიურ გულშემატკივრად დასახელდა და სიგელით დაჯილდოვდა მე-12 კლასის დამრიგებელი ქალბატონი ციალა ჩარგეიშვილი. შეხვედრას ორგანიზებას უწევდა თათია აბზიანიძე. ოლიმპიადა გრძელდება“,- აღნიშნულია მოწოდებულ ინფორმაციაში.