ხეოთის საჯარო სკოლაში დედაენის დღე საზეიმოდ აღნიშნეს
20-04-2021
დაკოპირებულია
-
+
ახალციხის მუნიციპალიტეტის სოფელ ხეოთის საჯარო სკოლაში დედაენის დღესთან დაკავშირებით ღონისძიება გაიმართა. აქტივობა ღია სივრცეში, ჯანდაცვის სამინისტროს რეკომენდაციების სრული დაცვით ჩატარდა.
ღონისძიებაში აქტიურად იყვნენ ჩართულნი როგორც უფროსკლასელები, ასევე, დაწყებითი საფეხურის მოსწავლეები. მათ წაიკითხეს ლექსები, შეასრულეს სიმღერები და შეგვახსენეს ისტორიული ფაქტები.
მოეწყო, სკოლის მოსწავლეთა მიერ შესრულებული და გაფორმებული ასომთავრული, ნუსხა-ხუცური და მხედრული ხელნაწერების გამოფენა. ღონისძიებაზე წარმოდგენილი იყო მათივე შესრულებული თემატური ნახატებიც.
„მადლობა ქართული ენისა და ლიტერატურის კათედრას საინტერესო ღონისძიების ორგანიზებისთვის“, - აღნიშნულია სკოლის მიერ მოწოდებულ ინფორმაციაში.