ჭაბუკიანის საჯარო სკოლამ სამაგიდო თამაშებში ასპარეზობა გამართა
20-04-2021
დაკოპირებულია
-
+
ლაგოდეხის მუნიციპალიტეტის სოფელ ჭაბუკიანის საჯარო სკოლამ აღსაზრდელებში ჯანსაღი ცხოვრების წესის დამკვიდრების მიზნით, გამართა ასპარეზობა სამაგიდო თამაშებში, რომელშიც მონაწილეობას იღებდნენ 1-ლი და მე-4 კლასის მოსწავლეები.
მოსწავლეებში განსაკუთრებული ინტერესი ჭადრაკში ასპარეზობამ გამოიწვია, სადაც გამარჯვება მოიპოვა მევლუდ ცერცვაძემ, ბარბარე აფრიაშვილმა, ნინო კობერიძემ და ევა მეტრეველმა. გამარჯვებულებს მასწავლებელმა, ელზა ჩალაძემ სიგელები გადასცა.
დაიგეგმა მომავალი კვირის ასპარეზობაც - „საუკეთესო კალიგრაფი“.
„ჭაბუკიანის საჯარო სკოლა ჯანსაღი ცხოვრების წესის დამკვიდრებისა და ინტელექტუალურ-შემეცნებითი მიმართულებით ყოველკვირეულად აქტივობების განხორციელებას აგრძელებს. მოსწავლეები ხალისით არიან ჩართულნი ღონისძიებებში“, - აღნიშნულია სკოლის მიერ მოწოდებილ ინფორმაციაში.