ბათუმის, ქობულეთისა და ხელვაჩაურის მუნიციპალიტეტის 6 სკოლა დისტანციურ რეჟიმზე გადავიდა; ამასთან ქობულეთის მუნიციპალიტეტში დახურულია 4 საბავშო ბაღი; ზოგადად, რეგიონში კი, საჯარო სკოლების 29 ცალკეული კლასი დისტანციურ რეჟიმში სწავლობს, - ინფორმაციას აჭარის ჯანდაცვის სამინისტროში ადასტურებენ. 

გასული 24 საათის განმავლობაში, აჭარაში კორონავირუსის 164 შემთხვევა გამოვლინდა და ერთი პაციენტი გარდაიცვალა, იგი ბათუმის რესპუბლიკურ საავადმყოფოში იყო მოთავსებული.