მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
ნინოწმინდის მუნიციპალიტეტის სოფელ სათხის საჯარო სკოლაში დედაენის დღისადმი მიძღვნილი ღონისძიება გაიმართა.
ღონისძიების ორგანიზატორები იყვნენ დამრიგებლები: კატია ჩახოიანი და გოჰარ ავაგიანი და ქართული ენის მასწავლებელი შუშანიკ არუტიუნიანი.
მონაწილეობდნენ მე-3 და მე-4 კლასების მოსწავლეები.
მოსწავლეებმა შეასრულეს საქართველოს სახელმწიფო ჰიმნი. ლექსები წარმოთქვეს და იცეკვეს. ასევე ქართული ენის ცოდნის აუცილებლობაზე გაამახვილეს ყურადღება. ბოლოს კალიგრაფიის კონკურსი ჩატარდა. სკოლის დირექციამ გამარჯვებულები გამოავლინა.
გამარჯვებულ მოსწავლეებს სიგელები გადაეცათ.
14 აპრილს, საქართველოში დედაენის დღე აღინიშნება. ეს დღე 1990 წელს, 1978 წლის 14 აპრილის მოვლენების აღსანიშნავად, დაწესდა.
1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.
საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.
იხილეთ ფოტოები და ვიდეოები