თბილისის N208 საჯარო სკოლაში, დედაენის დღესთან დაკავშირებით, ღონისძიებები გაიმართა. 

მოსწავლეები ღონისძიებებში ხალისით ჩაერთვნენ და ნიჭი და შესაძლებლობები წარმოაჩინეს. 

„ერის სულის სარკეს- დედაენას, მშობლიური სიტყვის თვითმყოფადობას და მნიშვნელობას მიეძღვნა მოკრძალებული ღონისძიებები სკოლაში. 14 აპრილი-დედაენის დღეა“,- აღნიშნულია სკოლის ინფორმაციაში.

14 აპრილს, საქართველოში დედაენის დღე აღინიშნება. ეს დღე 1990 წელს, 1978 წლის 14 აპრილის მოვლენების აღსანიშნავად, დაწესდა. 

1978 წლის 14 აპრილს კონსტიტუციაში სახელმწიფო ენის შესახებ ჩანაწერის ცვლილების წინააღმდეგ თბილისში სტუდენტური მანიფესტაციები დაიწყო. ცვლილების თანახმად, საქართველოს რესპუბლიკაში ქართული ენის, როგორც სახელმწიფო ენის სტატუსი უქმდებოდა. მანიფესტაციების შედეგად, ქართულ ენას სახელმწიფო ენის სტატუსი შეუნარჩუნდა.

საბჭოთა კავშირის ხელისუფლებამ გააცნობიერა‚ რომ მხოლოდ ორი გამოსავალი იყო - სისხლისღვრა ან დათმობა და მოსკოვი იძულებული შეიქმნა დაეთმო. ამ მოვლენების გამო 14 აპრილი არაოფიციალურად დედაენის დღედ გამოცხადდა.

იხილეთ ფოტოები