პროფესიულ განათლების სტუდენტთა მიღების წესი იცვლება. როგორც პროფესიული განათლების განვითარების დეპარტამენტის უფროსის მოადგილემ თამარ სამხარაძემ პარლამენტში განათლებისა და მეცნიერების კომიტეტის სხდომაზე აღნიშნა, წელს სტუდენტებს პროფესიული სასწავლებლები უკვე ახალი წესით მიიღებენ.

„პროფესიულ სასწავლებლებში სტუდენტების ჩარიცხვის წესი მომზადებულია. წელს ამ ახალი წესით მივიღებთ სტუდენტებს, ტექნიკური დეტალების შემუშავება მიმდინარეობს სისტემის შიგნით. ასევე, საგანმანათლებლო დაწესებულებებთან რამდენჯერმე გვქონდა შეხვედრა და მაქსიმუმ ერთი თვის ვადაში სამუშაო პროცესი დასრულდება“, - აღნიშნა თამარ სამხარაძემ. 

აღსანიშნავია, რომ პროფესიული განათლების განვითარების დეპარტამენტის უფროსის მოადგილეს დეტალებზე არ უსაუბრია. შესაბამისად უცნობია კონკრეტულად რა იცვლება და როგორ მოხდება სტუდენტების პროფესიულ სასწავლებლებში მიღება.